________________
११५
पूजाष्टके अवशिष्टकथा ॥
सो वि य नरिंदचंदो दाऊणं वरसुयस्स नियरज्जं । पडिवज्जाइ पव्वज्जं केवलिणो पायमूलंमि ॥१३७।। उग्गं तवो विहाणं काऊणं संजमं च सुविसुद्धं । मरिऊण समुप्पन्नो पंचमकप्पंमि सुरनाहो ॥१३८।। इय सो सुरपियपुरिसो पच्छायावेण केवली होउं । आउक्खयंमि मरिओ संपत्तो सासयं ठाणं ॥१३९।। एवं विबोहिऊणं हरिचंदं विजयचंदमुणिचंदो । विहरइ महिं महप्पा बोहितो भवियकुमुयाइं ॥१४०।। पडिबोहिऊण जेणं सायरचंदो य केवली भयवं । खविउण कम्मसेसं संपत्तो सासयं ठाणं ।।१४१॥ जयसिरि पवत्तिणी वि य उप्पाइयदिव्वकेवलसमिद्धि । निट्टविय कम्मसेसा संपत्ताणुत्तरं ठाणं ॥१४२॥ तह मयणसुंदरी वि हु कमलसिरी चेव दो वि पव्वज्जं । काऊणं कालगया उववन्नाउ महासुक्के ॥१४३।। भगवं पि विजयचंदो पडिबोहेउण भव्वकुमुयाई । तुंगगिरिगरूयसिहरे संपत्तो सासयं ठाणं ॥१४४|| एयं परमपयत्थं सुपसत्थं मंगलं च कल्लाणं । हियइच्छियसुहजणगं चरियं सिरिविजयचंदस्स ॥१४५।। इत्थ समप्पइ चरियं सुपवित्तं विजयचंदमुणिवइणो । निसुणंताणं एयं कुणउ सुहं भवियलोयाणं ॥१४६।।
१. नरिंदविंदो । २. आराहिऊण सम्मं । ३. मुणिनाहो । ४. संपन्नविसुद्ध । ५. संपत्ता सासयं । ६. दो वि गहिय । ७. भयवं पि । ८. भविय । ९. संजणयं । १०. कुणइ ।
___Jain Education International 2010_02
For Private & Personal Use Only
www.jainelibrary.org
