________________
११४
पुट्टेणं नरवइणा मुणिणा संपन्नदिव्वनाणेणं । पुव्वत्तं नियचरियं सविसेसं साहियं तस्स ॥१२७॥ तं मुणिणा वज्जरियं चरियं सोऊण सो वि उल्लावो । सेंभरिओ पुव्वजम्मो तरुसिहराओ समुत्तरियं ॥ १२८॥ कयगुरुपच्छायावो भत्तीए तं मुणि नमेऊणं । खामइ नियदुच्चरियं सो सव्वं निययभासाए ॥१२९ ॥ पुच्छइ निवो नमेडं किं एसो नाहु तुम्हपयपुरओ । विलुलइ महियलवडिओ कुरुणंतो उच्चकंठेण ॥१३०॥ जं पक्खिणाणुभुयं दुक्खं सुक्खं च पुव्वजम्मे । तं सव्वं मुणिवइणा नीसेसं साहियं रन्नो ॥१३१॥ संभरियपुव्वजम्मो संपइ संपत्तसुद्धपरिणामो । मग्गइ अणसणमेसो निंदंतो अप्पणो जम्मं ॥१३२॥
विजयचंदचरियं
भणिओ धन्नो एसो नरवइसहियाइ सव्वपरिसाए । जस्सेसो परिणामो तिरियस्स वि अणसणे जाओ || १३३||
काले सुपत्तदाणं संमत्तविसुद्धं बोहिलाभं च । अंते समाहिमरणं अभव्वजीवा न पावंति ॥१३४॥
मुणिणा वि हु नाऊणं परिणामं तस्स सुद्धचित्तस्स । दिन्नं निच्छयहिययस्स अणसणं पक्खिणो तेस्स ॥ १३५ ॥
नवकारो वि हु दिन्नो भावेणं पडित्थिऊण सो पक्खी । मरिऊण समुप्पन्नो सोहम्मे सुरविमाणंमि ॥१३६॥
१. संपत्त । २. संभरिय । ३. नाह । ४. महियलिपडिओ । ५. कुरुतो । ६. अत्तणो । ७. चरियं । ८. पाविति । ९. विहिणा । १०. वर ।
Jain Education International 2010_02
For Private & Personal Use Only
www.jainelibrary.org
