________________
१०८
विजयचंदचरियं अच्छिनिमीलियमित्तं नत्थि सुहं दुक्खमेव अणुबद्धं । नरए नेइआणं अहोनिसं पच्चमाणाणं ॥६७॥ सो तत्थ सीहजीवो नरए दुक्खाइं अणुहवेऊण । आउक्खयेण जाओ सुंदरसेट्ठि त्ति तुह जणओ ॥६८।। जो पुण गइंदजीवो सो पुण कोडीसु परिभमेऊणं । सुंदरसेट्ठिस्स सुओ संजाओ सुरपिओ तुमयं ॥६९।। एयं परभवचरियं तुज्झ मए साहियं समासेण । एत्तो इहभवचरियं साहिज्जं तं निसामेह ॥७०॥ एत्थ भवे जं नेहो जणयसुयाणं च विहडिओ तुम्ह । तं पुव्वभवोवज्जियदुद्धरवेराणुबंधेणं ॥७१।। धम्मं वा कम्मं वा वेरं पियं च एत्थ जम्मंमि । अब्भासाउ पवड्डइ भवंतरे सव्वजीवाणं ॥७२॥ अन्नं चिय जो अत्थो दिट्ठो तुम्हेहिं इह पएसंमि । सो तुह पियामहेणं पक्खित्तो पुत्तभीएण ॥७३॥ सो वि य एत्थ पएसे डक्को कहकह वि उग्गभुयगेण । मरिऊण समुप्पन्नो पोमाडो मोहदोसेणं ।।७४।। जया मोहोदओ तिव्वो अन्नाणं खु महब्भयं । पेलवं वेयणिज्जं च तया एगिदियत्तणं ॥५॥ एगिदिएणं तेणं मुक्को पाओ य लोहदोसेणं । एगिंदिया वि जम्हा लोहपिसाएण घेप्पंति ॥७६॥
माही इ. पीई । ७
१. निमीलण । २. अणवरयं । ३. अहोनिसिं । ४. आउक्खयंमि । ५. भवकोडीए । ६. पीई । ७. इत्थ । ८. इत्थ । ९. पुंआडो । १०. कोमलं । ११. मोह। १२. धिप्पंति ।
Jain Education International 2010_02
For Private & Personal Use Only
www.jainelibrary.org
