________________
१०५
पूजाष्टके अवशिष्टकथा ॥
अत्थो एयस्स पिओ नाहं परिभाविऊण हियएणं । अइगुरुयमच्छरेण व मुक्को सहस त्ति जीवेण ॥३७॥ मरिऊण समुप्पन्नो सो तंमि निहाणगंमि मोहेणं । गोहेरगो गरिठ्ठो चिट्ठइ तत्थ ट्ठिओ निच्चं ॥३८॥ पुत्तो विलक्खचित्तो चिंतइ हियएण पुन्नरहिओ हं। ताओ वि मए पहओ जायं च न इच्छियं मज्झ ॥३९।। एवं विसन्नचित्तो पुत्तो दुक्खानलेहिं संतत्तो । साहाए पब्भट्ठो वानरो व्व सोएइ अप्पाणं ॥४०॥ मय किच्चं काऊणं पिउणो सो कह वि अन्नदियहमि । संपत्तो निहिठाणं लोहेणं तस्स दव्वस्स ॥४१॥ जा चिट्ठइ तत्थ ठिओ ता पिच्छइ तं गुहेरगं पुरओ । दंतग्गगहियरयणावलीए तेएण पज्जलंतं ॥४२॥ तं दट्टणं सहसा सो जाओ कोहलोहपरिगहिओ । चिट्ठइ अवलोयंतो कुवियकयंतो व्व दुप्पेच्छो ॥४३॥ सो वि य तं दट्ठणं ज्झडत्ति भयपसरवेवरसरीरो । नासंतो दुटेणं पहओ पुत्तेण सीसंमि ॥४४॥ रयणावलीसणाहं नियदेहं ज्झत्ति सो विमुत्तूणं । उलावगरूवेणं संजाओ कम्मदोसेणं ॥४५॥ सो सुरपियाभिहाणो पुत्तो तं रयणमालियं घेत्तुं । नियकंठमि निवेसइ नियजाया बाहुजुयल व्व ॥४६।।
१. वल्लहो । २. नाम्हे । ३. पाणेहिं । ४. दुक्खानलोहेहिं । ५. वानरु व्व । ६. निहिठाणे । ७. संजाओ । ८. कयंतु व्व । ९. दुप्पिच्छो । १०. दंडेणं । ११. ओलावगरूवेणं । १२. चित्तुं । १३. पिय ।।
Jain Education International 2010_02
For Private & Personal Use Only
www.jainelibrary.org
