________________
१०४
विजयचंदचरियं जह जाणइ नेय पिया तह अज्जं जामिणीए सेसंमि । गंतूण तं निहाणं आणेमि अलक्खिउं काउं ।।२७।। जा जाइ न तत्थ सुओ ता पिउणा झत्ति तत्थ गंतूण । उद्धरिऊणं अत्थो पक्खित्तो अन्नदेसंमि ॥२८॥ तत्तो सो संपत्तो तं भणइ ताय कत्थ सो अत्थो । उद्धरिऊणं इत्तो पक्खित्तो कइ पएसंमि ॥२९॥ तं पंभणइ सो वि पिया मा भणसु पुत्त एरिसं वयणं । न हु दिट्ठो हियइट्ठो सो अत्थो ऐत्थ देसंमि ॥३०॥ तं कैन्नसूलसरिसं वयणं जणयस्स सो सुणेऊण । कोहानलपज्जलिओ घयसित्तो जलणरासि व्व ॥३१॥ जा अज्ज वि ताय अहं कुद्धो न हरामि जीवियं तुज्झ । ता साहसु मह अत्थं तुज्झ अणत्थं नियकरत्थं ॥३२॥ जइ सो पुत्त अणत्थो अत्थो ता तुब्भ वल्लहो कीस । पुच्छसि जेण पुणो तं तिसिओ पहिउ व्व जलनिलयं ॥३३।। लब्भइ नटुं पि पुणो जीयं जम्मंतरे वि जीवेहिं । अत्थो पुण पब्भट्ठो न हु लब्भइ पुन्नरहिएहिं ॥३४॥ जइ लुद्धो कुद्धो वि हु पुत्त तुमं हरसि जीवियं मज्झ । तहवि न साहेमि अहं तं अत्थं जीवियब्भहियं ॥३५॥ ऐत्तो कोवेण सुओ घयसित्तो हुयवहो व्व पज्जलिओ । पाउं दाऊण गले निप्पीडइ अत्तणो जणयं ॥३६॥
१. उक्खणिऊणं । २. इह पएसंमि । ३. कन्नमूलविरसं । ४. पहिय व्व । ५. इत्तो । ६. हुयवहु व्व । ७. हत्थं ।
Jain Education International 2010_02
For Private & Personal Use Only
www.jainelibrary.org
