________________
विजयचंदचरियं एवंति पभणिऊणं कंचणमणिरयणरइयपायारा । निम्मइया देवेणं सुरभवणविभूसिया नयरी ॥६६॥ सालंकारं नयरिं कुमरस्स पुणन्नवं च तं दइयं । काऊणं संपत्तो सो देवो अत्तणो ठाणे ॥६७।। कुमरो वि य तं नयरिं दट्ठण पुणन्नवं च तं दइयं । परिवहिय संतोसो न माइ अंगेसु नियगेसु ॥६८॥ सो सूरो वि हु राया रज्जे अहिसिंचिऊण तं कुमरं । निक्खंतो खायजसो सीलंधरसूरिणो पासे ॥६९।। कंचणपुरंमि नयरे फलसारनिवस्स चंदलेहाए । सहियस्स जंति दियहा सुहेण सक्कस्स व सईए ॥७०।। कालकमेणं पुत्तो फलसारनराहिवस्स संजाओ । नामेण चंदसारो ससिलेहाकुच्छिसंभूओ ॥७१।। बंधवकुमुयाणंदो चंदु व्व कलाकलावपरियरिओ । उम्मुक्कबालभावो संपत्तो जुव्वणं रम्मं ॥७२।। सो फलसारनरिंदो दइयासहिओ विसुद्धभत्तीए । जिणफलपूयाकरणे समुज्जओ निच्चकालंमि ॥७३॥ उम्मुक्कजुव्वणो सो रज्जं दाऊण चंदपुत्तस्स । दइयाइ समं धीरो निक्खंतो जिणवरपयंमि ॥७४।। उग्गतवं काऊणं दइयासहिओ विसुद्धपरिणामो । मरिऊण समुप्पन्नो सत्तमकप्पालए देवो ।।५।।
१. पवर । २. निम्मविया । ३. वरभवण । ४. अत्तणं ठाणं । ५. तोसेणं । ६. नियएसु अंगेसु । ७. अहिसंचिऊण । ८. सेयंवर । ९. कालक्कमेण । १०. समुज्जुओ। ११. निच्चकालं पि । १२. जुव्वणस्स । १३. चंदसारस्स । १४. जिणवरमयंमि ।
Jain Education International 2010_02
For Private & Personal Use Only
www.jainelibrary.org
