________________
फलपूजायां कथानकम् ॥
तत्थ य को वि सुरो वि हु सुरवइवयणं असद्दहेऊण । विसहररूवं काउं डसइ भेज्झं कुमारस्स ॥५७|| तं दट्ठणं नरवइलोओ अहियं समाउलो जाओ । वाहरइ मंतकुसले गारुडिए मंतजुत्ते य ॥५८॥ बहुविहविज्जसएहिं विविहेसु य मंततंतजोएसु । तह वि हु जियरहिया वि हु निच्चिट्ठा चिट्ठए जाव ॥५९॥ ता पुणरवि सो देवो सुविज्जारूवेण भणइ आगंतुं । सुररुक्खमंजरीएहिं कुमार तुह जीवए भज्जा ॥६०॥ जा चिट्ठइ सो कुमरो दइया गुरुदुक्खदुक्खियसरीरो । ता सो दुग्गयदेवो करइ करे मंजरि तस्स ||६१॥ मुत्तूण विज्जरूवं कुंजररूवेण सो सुरो होउं । अवलोयइ तं कुमरं ता पिच्छइ सीहरूवेणं ॥६२॥ मुत्तूणं करिरूवं मयारिरूवेण आवए जाव । ता पिच्छइ तं कुमरं परिट्ठियं सरहरूवेण ॥६३।।* संहरिऊणं मायां परितुट्ठो सो भणइ कुमरं तं । जह सुरवइणा भणिओ तह संजाओ तुमं भद्द ॥६४|| पभणसु जं मणइटुं परितुट्ठो देमि अज्ज तं तुज्झ । जइ एवं कुणसु तुम मज्झ पुरै सुरपुरसरिच्छं ॥६५॥
१. तत्थेगो को वि सुरो । २. सुभज्जं । ३. सव्वो । ४. विहियेसु य । ५. इव । ६. पिच्छइ । ७. ता । ८. दुम्मिय । ९. अवलोयइ जा कुमरो । १०. भणइ सो सुरो कुमरं । ११. पुरि ।
★ प्रत्यन्तरे एतत् श्लोकं नास्ति ।
Jain Education International 2010_02
For Private & Personal Use Only
www.jainelibrary.org
