________________
२५०
जंबुचरियम् तं च पहराइभेएण कीरई जाव दिवसदेवसियं । इय एवं जो कुणइ हु पावइ सो निज्जरं विउलं ॥७२१॥ गहियं च इमं सम्मं अइयारविवज्जियं च पालेइ । अइयारे पुव्वुत्ते अइयरियमसुंदरं होई ॥७२२॥ ता तं चेव करेज्जा जस्स हु परिपालणं तरह काउं । अइयारेहिं विसुद्धं बहुप्फलं तं चिय हवेच्चा ॥७२३॥ आहारे सक्कारे अव्वावारे य बंभचेरे य । तह पोसहोववासो गिण्हइ परमाए सद्धाए ॥७२४॥ दविहो एस्थाहारो देसे सव्वे य पोसहोवासो । देसे अमुगा विगई सव्वे सव्वस्स विरओ हं ॥७२५॥ गम्मम्मि य आहारे विरओ तस्सेव एत्थ कायव्वो । जेण विणा जोगाणं हाणी न हु हवइ धन्नाणं ॥७२६॥ विणओ वेयावच्चं झाणं सज्झाओ तह य किइकम्मं ।
एयाइं न सीयंती कायव्वो पोसहो तस्स ॥७२७॥ जओ- "सो य तवो कायव्वो जेण मणो मंगुलं न चिंतेइ ।
जेण न इंदियहाणी जेण य जोगा न सीयंति" ॥७२८॥ [ ] वयभंगे उण गरुओ दोसो सो ताव इच्छियविणासी । अन्नं पि बंधइ बहुं असुहं वयभंगदोसाओ ॥७२९॥ तेणागारविसुद्धं पच्चक्खाणं सया गहेयव्वं । ते य जहाविहिरूवं भणिया इह वीयरागेहिं ॥७३०॥ दो चेव नमोक्कारे आगारा छच्च पोरिसीए उ । सत्तेव य पुरिमड्ढे एक्कासणगंमि अद्वैव ॥७३१॥ ठाणंमि सत्त आयंबिले य अद्वैव छच्च पाणंमि । पंचाभिग्गहसत्तट्ठएसु चत्तारि चरिमंमि ॥७३२॥
Jain Education International 2010_02
For Private & Personal Use Only
www.jainelibrary.org
