________________
२४४
जंबुचरियम् पंचेयाई वयाई देसे सव्वे य अणु-महंताई। निस्सल्लो होइ वई सो अणगारी अगारी य ॥६४९॥ पंच य अणुव्वयाइं गुणव्वयाइं च हुंति तिन्नेव । सिक्खावयाई चउरो होइ अगारीणिमो धम्मो ॥६५०॥ अणगारीणं दसहा खंताईओ उ होइ विन्नेओ । मूलगुणुत्तरभेओ निच्छयनयसम्मओ सव्वो ॥६५१॥ खंती य मद्दवज्जवमुत्ती तवसंजमे [य] बोधव्वे । सच्चं सोयं आकिंचणं च बंभं च जइधम्मो ॥६५२॥ एवंविहधम्मजुओ अणगारी बुद्धतत्तपरमत्थो । सत्तहियणुज्जओ वि य अचलियसत्तो सयाकालं ॥६५३॥ धम्मावस्सयजोएसु भावियव्वा(प्पा) पमायपरिवज्जी । उवसमगुणसंपन्नो तह अव्वाबाहसुहकंखी ॥६५४॥ सद्धम्मसुत्थियमई तिदंडविरओ तिगुत्तिगुत्तो य । विसयसुहनिरहिलासो धम्मज्झाणे अभिरओ य ॥६५५॥ जिणवरवयणगुणगणं सचिंत( तं )तोवहादवाए( ? ) य । कम्मविवाए विविहे संठाणविही अणेगा य ॥६५६॥ वासीचंदणकप्पो य निरहियमणो य खंतिकलिओ य । जियसव्वलोयतण्हो धुयमायाकलिमलकलंको ॥६५७॥ समसत्तुमित्तविहवो समतणमणिलेटुकंचणो तह य । सज्झायज्झाणपरायणो य दढमप्पमत्तो य ॥६५८॥ सम्मत्तनाणचारित्तगुणजुओ तवसमाहिबलजुत्तो । सीलंगसयलकलिओ साहुसमायारसत्तो य ॥६५९॥ विहिउँछगहणजुत्तो थीपसुपंडगविवित्तसेज्जो य । सगुणब्भासेक्कमई परदोसपरंमुहो तह य ॥६६०॥
Jain Education International 2010_02
For Private & Personal Use Only
www.jainelibrary.org
