________________
४४
जह राया तह जीवो, पडिहारसमं तु दंसणावरणं । तेहि विबंधणं, न पिच्छए सो घडाईयं ॥ २१ ॥ निदापणगं तत्थ उ, चउभेया दंसणस्स आवरणे । सुहपडिवोहा निद्दा, बीया पुण निद्दानिद्दा य ॥२२॥ सा दुक्खबोहणीया, पयला पुण जा ठियस्स उद्धाइ । पलापयल चउत्थी, तीए उदओ न चंकमणे ॥ २३ ॥ थीणद्धी पुण दि चिंतियस्स अत्थस्स साहणी पायं । सा संकिलिट्ठकम्मस्स उदयओ होइ नियमेणं ॥२४॥ निद्दापणगं एयं, चक्खू आवरइ चक्खुआवरणं । सेसिंदियावरणं, होइ अचक्खुस्स आवरणं ।। २५ ।। सामन्नुवओगं जं, वरेइ तं ओहिदंसणावरणं । केवलसामन्नं जं, वरेइ तं केवलस्स भवे ॥ २६ ॥ भणियं दंसणवरणं, तइयं कम्मं तु होइ वेयणियं । तं असिधारासरिसं, जह होइ तहो निसामेह ||२७|| महुलित्तनिसियकरवालधारजीहाइ जारिसं लिहणं । तारिसयं वेयणियं, सुहदुहउप्पायगं मुणह ॥ २८ ॥ महुआसायणसरिसो, सायावेयस्स होइ हु विवागो ।
Jain Education International
For Private & Personal Use Only
www.jainelibrary.org
