________________
१२६ अंतरकरणम्मि कए चरित्तमोहे णुपुट्विसंकमणं । अन्नत्थ सेसिगाणं च सवहिं सबहा बंधे ॥४॥ तिसु आवलियासु समऊणियासु अपडिग्गहा उ संजलणा दुसु आवलियासु पढमठिईए सेसासु वि य वेदो॥५॥ साइअणाईधुवअधुवा य सव्वधुवसंतकम्माणं । साइअधुवा य सेसा मिच्छावेयणीयनीएहिं ॥६॥ मिच्छत्तजढाय पडिग्गहम्मि सव्वधुवबंधपगईयो । नेया चउव्विगप्पा साई अधुवा य सेसाओ ॥७॥ पगईठाणे वि तहा पडिग्गहो संकमो य बोधव्वो । पढमंतिमपगईणं पंचसु पंचण्ह दो वि भवे ॥८॥ नवगच्छक्कचउक्के नवगं छक्कं च चउसु बिइयम्मि । अन्नयरस्स अन्नयरा वि य वेयणीयगोएसु ॥९॥ अचउरहियवीसं सत्तरसं सोलसं च पन्नरसं। वजिय संकमठाणाई हेति तेवीसई मोहे ॥१०॥ सोलस बारसगट्ठग वीसग तेवीसगाइगे छच्च । वज्जिय मोहस्स पडिग्गहा उ अट्टारस हवन्ति ॥११ छव्वीससत्तवीसाण संकमो होइ चउसु ठाणेसु ।
Jain Education International
For Private & Personal Use Only
www.jainelibrary.org
