________________
तृतीय उद्देशक
[ १६५
१६९७. फलमिव पक्कं पडए, पक्कस्सऽहवा न गच्छते पागं ।
ववहारो तज्जोगा', ससिगुत्तसिरिव्व सन्नासे ॥दारं ।। १६९८. पक्कुल्लोव्वर भया वा, कज्जं पि न सेसया उदीरेंति ।
पाएण आहतो ति व, उत्तर सोवाहणेणं ति ॥ १६९९. रोमंथयते कज्जे, चव्वागी नीरसं च विसनेत्तं ।
कहिते कहिते कज्जे, भणाति बधिरो व न सुतं मे ॥दारं ।। मरहठ्ठलाडपुच्छा, केरिसया लाडगुंठ साधिंसु' ।
पावार, भंडिछुभणं, दसिया गणणे पुणो दाणं ॥ १७०१. गुंठाहि एवमादीहि, हरति मोहित्तु तं तु ववहारं ।
अंबफरिसेहि अंबो, न ताणि° सिद्धिं तु ववहारं ॥दारं ।। १७०२. एते अकज्जकारी, तगराए आसि तम्मि 'उ जुगम्मि'१२ ।
जेहि कता ववहारा, खोडिज्जंतऽण्णरज्जेसु ॥ १७०३. इहलोए य अकित्ती, परलोए दुग्गती धुवा तेसिं ।
अणाणाय जिणिंदाण, जे ववहारं३ ववहरंति ॥ १७०४. तेण न बहुस्सुतो वी, होति पमाणं अणायकारी१४ तु ।
नाएण ववहरंतो, होति पमाणं जहा उ इमे ॥ १७०५. कित्तेहि१५ पूसमित्तं, वीरं सिवकोट्ठगं१६ व अज्जासं७ ।
अरहन्नग धम्मण्णग, खंदिल गोविंददत्तं च ॥ १७०६. एते उ कज्जकारी, तगराए आसि तम्मि उ जुगम्मि९ ।
जेहि कया ववहारा, अक्खोभा अण्णरज्जेसु ॥ १७०७. इहलोगम्मि य कित्ती, परलोगे सोग्गती धुवा तेसिं ।
आणाएँ जिणिंदाणं, जे ववहारं ववहरंति ॥ १७०८. केरिसओ' ववहारी, आयरियस्स उ जुगप्पहाणस्स ।
जेण सगासेग्गहितं२९, परिवाडीहिं तिहि असेसं ॥नि. २७३ ।।
१. २.
वा जोगा (अ)। पक्कुल्ला व (ब)। सेसयं (अ)।
व (अ)
साहिंतु ()।
पावारे (ब)। ७. भंजि छु०(ब)। ८. गणिणे (अ, ब)। ९. फरसेहि (अ)। १०. णेति (अ, ब)। ११. सिद्धं (ब)।
१२. उज्जुगम्मि (ब)। १३. ववहारी (अ) १४. ० कारि(अ)। १५. किं तेहि (अ, ब)। १६... कोट्ठकिं (अ)। १७. अज्जासा (अ)। १८. धम्मल्लग (ब)। १९. जगम्मि (अ)। २०. केरिसितो (ब)। २१. सकासे गहियं (ब)।
Jain Education International
For Private & Personal Use Only
www.jainelibrary.org
