________________
परिशिष्टम् ] . सुकृतसंकीर्तनमहाकाव्यम् ।
श्रीमन्त्रिमुख्य ! भवदीयविपक्षलक्ष-दुष्कीर्तिभिस्त्रिभुवनं परितः परीतम् । काहं स्फुरामि तव कीर्तिरितीव वक्तुं, कर्णोपकण्ठमगमत् पलितच्छलेन ॥ १८ श्रीसोमान्वयवार्धिवर्धनविधो ! मन्त्रीश ! वामीश्वरी
लीलातल्प ! भवानकल्पि जगतः साधारणो वेधसा । इत्थं दाननिदानवैभवभवद्भालस्थलस्थापितै
__रेवैभिर्विभवाक्षरैर्विभवभाग दुःस्थोऽपि सौस्थ्यं दधौ । कोपे पावकतप्तमार्गगसमं चक्षुः क्षिपन्ती पुनः,
प्रीतो मौक्तिकदामसोदरमियं भूरेव मन्त्रीश्वर ! । उल्लासान्निधनं धनं च ददती प्रत्यर्थिनामर्थिनामप्येषा किमु चापवल्लिरतुला किं कल्पबल्लिस्तव ? ।।
२० आन्दोलयन्ति कृतिनस्तव कर्णदोला-लीलासु.ये गिरमुदारमुदा रसाढ्याम् । भूकल्पवृक्ष ! तनुषे निजमौलिकम्पात् , तेभ्यः फलं दिवि यशःकुसुमान्युदस्यन् ॥ २१ का शक्तिर्युसदां सुधारुचिरसावेकः क्षयी पीयते,
तैः पक्षान्तरितोऽखिलैरपि समे निघ्नन्तु दैत्यास्ततः । अक्षीणस्य सदा त्वदाननसुधाभानोः पिबन् वाक्सुधा
मेकः सम बलस्य वीरधवलो यावन्न सन्नह्यते ॥ अंसौ ते सचिवावतंस ! निबिडाहङ्कारकारस्करा
वष्टम्भस्थिरपौरुषद्विपमहाकुम्भभ्रमं भेजतुः । कुम्भावभ्रमुभर्तुरुद्धरहरिस्फूर्जत्करास्फालन
त्रस्ताऽसौ परिहृत्य नित्यसुखिता विश्राम्यति श्रीरिह ॥ बुद्धिलतेव तव विस्फुरिता समस्त-शास्त्रामृतैरिह भृते हृदयालवाले ।
श्रीवस्तुपाल ! भुवि यत्प्रभवा प्रसून-मालेव मौलिषु न कैरघटि त्वदाज्ञा ? ॥ २४ श्रीसोमान्वयकुट्टिमोद्भुततुलापट्टः पतदुर्बल-श्रेयोयष्टिरनिष्टविष्टपविपत्सन्दोहलोहार्गला।। श्रीविश्रामतरुः पराक्रमकरिस्तम्भो रिपुक्षोणिभृद्-दम्भोलिस्तव भाति गूर्जरधरोद्धारैकधुर्यो भुजः ॥ २५
असौ भृशं सन्ततसञ्चरिष्णु-लक्ष्मीपदालक्तकरक्तकान्तिः ।
भवत्कराम्भोरुहवद् विभाति, कृष्णारिनारीचिहुरालिपालिः ॥ असन्नं सन्नद्धे यदिह विहरन्मार्गणगण-स्मयस्मेरे मेरोः कटकमटितः कल्पविटपी । इति व्यक्तं युक्तः सचिवकुलकोटीर ! करज-वजव्याजेनायं मणिमुकुटबन्धस्तव करे ॥ २७
किल जगति भवद्गतिं विलोक्य, स्वगतियशःक्षितिभीरवः सुरेभाः । सचिव ! तव भुजेऽपि भूमिभारं, दधति पदात् पदमप्यमी न चेलुः ॥
Jain Education International
For Private & Personal Use Only
www.jainelibrary.org
