________________
२६८
कुमारपालचरित्रसङ्ग्रहः
द्वितीयः प्रस्तावः ।
६६१५. कुमारपालं प्रति सूरिप्रदत्तो देवपूजोपास्तिविषयकोपदेशः ।
अन्नं च सुणसु पत्थिव ! जीवदयालक्खणो इमो धम्मो । जेण सयं अणुचिन्नो कहिओ अ जणस्स हिअहेउं ॥२३७।। सो अरहंतो देवो असेसरागाइदोसपरिचत्तो । सव्वन्नू अवितहसयलभावपडिवायणपहाणो ॥२३८।। रागाइजुओ रागाइपरवसं रक्खिउं परं न खमो । न हि अप्पणा पलित्तो परं पलित्तं निवारेइ ॥२३९।। धम्माधम्मसरूवं सक्कइ कहिउं कहं असव्वन्नू । रूपविसेसं वोत्तुं अत्थि किमंधस्स अहिगारो ॥२४०।। परमत्थं अकहंतो वि होइ देवो त्ति जुत्तिरित्तमिणं । गयणस्स वि देवत्तं अणुमन्नह अन्नहा किं न ॥२४१॥ जो अरहंतं देवं पणमइ झाएइ निच्चमच्चे । सो गयपावो पावेइ देवपालो व्व कल्लाणं ॥२४२।।
10
15
[अत्र देवोपासनानिरूपकाणि देवपालादिकथानकानि कथितानि ।]
६६१६. कुमारपालकारितकुमारविहारादिजिनमन्दिरवर्णनम् ।
जंपइ कुमरनरिंदो मुणिंद ! तुह देसणामयरसेण । संसित्तसव्वतणुणो मह नट्ठा मोहविसमुच्छा ॥२४३॥ मुणियं मए इयाणिं जं देवा जिणवरा चउव्वीसं । जे राग-दोस-मय-मोह-कोह-लोहेहिं परिचत्ता ॥२४४।। नवरं पुव्वं पि मए भद्दगभावप्पहाणचित्तेण । पडिहयपावपवेसं लद्धं तुम्हाण उवएसं ॥२४५।। सिरिमालवंसअवयंसमंतिउदयणसमुद्दचंदस्स । मइनिज्जियसुरगुरुणो धम्मदुमआलवालस्स ॥२४६।।
20
For Private & Personal Use Only
Jain Education International
www.jainelibrary.org.
