________________
२६३
कुमारपालप्रतिबोधसङ्क्षपः
जो उण न हणइ जीवे जो तेसिं जीवियं सुहं विभवं । न हणइ तत्तो तस्स वि तं न हणइ को वि परलोए ॥१९१।। ता भद्देण व नूणं कयाणुकंपा मए वि पुव्वभवे । जं लंघिऊण वसणाइं रज्जलच्छी इमा लद्धा ॥१९२।। ता संपइ जीवदया जावज्जीवं मए विहेयव्वा । मंसं न भक्खियव्वं परिहरियव्वा य पारद्धी ॥१९३॥ जो देवयाण पुरओ कीरइ आरुग्गसंतिकम्मकए । जो पसुमहिसाण विणासो निवारियव्वो मए सो वि ।।१९४|| जीववहदुक्कएण वि जइ आरुग्गाइ जायए कह वि । तत्तो दावानलेणं दुमाण कुसुमोग्गमो होज्जा ।।१९५।। जो जन्नेसु पसुवहो विहिओ सग्गाइसाहणनिमित्तं । दियपुंगव ! सेयं चिय विवेइणो तं न काहिति ॥१९६।। बालो वि मुणइ एवं जं जीववहेण लब्भइ न सग्गो । किं पन्नगमुहकुहराओ होइ पीऊसरसवुट्ठी ? ||१९७।। तो गुरुणा वागरियं नरिंद ! तुह धम्मबंधुरा बुद्धी । सव्वुत्तमो विवेगो अणुत्तरं तत्तदंसित्तं ॥१९८॥ जं जीवदयारम्मे धम्मे कल्लाणजणणकयकम्मे । सग्गापवग्गपुरमग्गदसणे तुह मणं लीणं ॥१९९॥
10
15
20
६६१०. कुमारपालस्य सर्वग्रामनगरेषु राजादेशप्रेषणेन जीवदयाप्रवर्तना।
तओ रन्ना रायाएसपेसणेण सव्वगाम-नगरेसु । अमारिघोसणापडहवायणपुव्वं पवत्तिया जीवदया ॥२००।। गुरुणा भणिओ राया-महाराय ! दुप्परिच्चया पाएण मंसगिद्धी । धन्नो तुमं भायणं सकलकल्लाणाणं जेण कया मंसनिवित्ती ॥२०१॥ ता सम्मं पालेज्जसु मंसनिवित्तिं नरिंद ! जाजीवं । सम्मं अपालयंतो कुंदो व्व दुहं लहइ जीवो ॥२०२॥
25
Jain Education International
For Private & Personal Use Only
www.jainelibrary.org
