Nandi Sutram

SR No.: 002487
Original Sutra Author: N/A
Author: Atmaramji Maharaj
Publisher: Acharya Shree Atmaram Jain Bodh Prakashan
Publication Year: 1996
Total Pages: 522
Language: Hindi, Prakrit, Sanskrit
Classification: Book_Devnagari & agam_nandisutra
File Size: 16 MB

Page 506

परिशिष्ठ
--
कतिविहेणं भंते ! नाणे पण्णत्ते ? गोयमा ! पंचविहे नाणे पण्णत्ते, तंजहा-आभिणिबोहियनाणे, सुयनाणे, ओहिनाणे, मणपज्जवनाणे केवलनाणे ।
से कितं आभिणिबोहियनाणे? आभिणिबोहियनाणे चउव्विहे पण्णत्ते, तंजहा उग्गहो, ईहा, अवाओ, धारणा, एवं जहा रायप्पसेणइए णाणाणं भेदो तहेव इह वि भाणियन्वो जाव से तं केवलनाणे।।
अन्नाणे णं भंते ! कतिविहे पण्णत्ते ? गोयमा ! तिविहे पण्णत्ते, तंजहा-मइअन्नाणे, सुयअन्नाणे, विभंगनाणे।
से किं तं मइ-अन्नाणे ? मइन्नाणे चउव्विहे पण्णत्ते, तंजहा-उग्गहो जाव धारणा।
से किं तं उग्गहे ? उग्गहे दुविहे पण्णत्ते, तंजहा–अत्थोग्गहे य वंजणोग्गहे य, एवं जहेव आभिणिबोहियनाणं तहेव, नवरं एगट्रियवज्जं जाव नोइंदिय धारणा, से तं धारणा, से तं मइअन्नाणे ।
_ से किं तं सुय-अन्नाणे ? सुय-अन्नाणे जं इमं अन्नाणिएहिं, मिच्छद्दिट्ठिएहिं जहा नंदिए जाव चत्तारि वेदा संगोवंगा, से तं सूय-अन्नाणे।
से किं तं विभंगनाणे ? विभंगनाणे अणेगविहे पण्णत्ते, तंजहा–गामसंठिए, नगरसंठिए जाव संनिवेससंठिए, दीवसंठिए, समुद्दसंठिए, वाससंठिए, वासहरसंठिए, पब्वयसंठिए, रुक्खसंठिए, थूभसंठिए, हयसंठिए, गयसंठिए, नरसंठिए, किंनरसंठिए, किंपुरिसंठिए, महोरगसंठिए, गंधव संठिए उसभसंठिए, पसुपसय-विहग-वानर णाणा संठाणसंठिए पण्णसे ।
जीवा णं भंते ! कि नाणी, अन्नाणी? गोयमा ! जीवा नाणीवि, अन्नाणीवि, जे नाणी ते अत्थेगतिया एग नाणी, अत्थेगतिय दुन्नाणी अत्थेगतिया तिन्नाणी, अत्थेगतिया चउनाणी जे दुन्नाणी ते आभिणिबोहियनाणी सुयनाणी । जे तिन्नाणी ते आभिणिबोयिनाणी, सुयनाणी, ओहिनाणी, अहवा आभिणिबोहियनाणी, सुयनाणी, मणपज्जवनाणी । जे चउनाणी ते आभिणिबोयिनाणी, सुयनाणी, ओहि नाणी, मणपज्जवनणी। जेएग नाणी ते नियमा केवलनाणी। जे अन्नाणी ते अत्थेगतिया दुअन्नाणी, अत्यंगतियातिअन्नाणी जे दुअन्नाणी ते मइ-अन्नाणी य सुयअन्नाणी य । जे तिअन्नाणी, ते मइ-अन्नाणी, सुय-अन्नाणी, विभंगनाणी।
नेरइया णं भंते ! किं नाणी, अन्नाणी ? गोयमा ! नाणीवि, अन्नाणीवि । जे नागी ते नियमा तिन्नाणी, तंजहा-आभिणिबोहियनाणी, सुयनाणी, ओहिनाणी। जे अन्नाणी ते अत्थेगतिया दुअन्नाणी, अत्थेगतिया तिअन्नाणी, एवं तिन्नि अन्नाणाणि भयणाए ।
असुरकुमारा णं भंते ! किं नाणी, अन्नाणी, ? जहेव नेरइया तहेव तिन्नी नाणाणी नियमा, तिन्नीअन्नाणाणि भयणाए, एवं जाव थणियकुमारा।
पुढविक्काइया णं भंते! कि नाणी अन्नाणी ? गोयमा। नो नाणी, अन्नाणी। जे अन्नाणी ते नियमा दुअन्नाणी-मइ-अन्नाणी य सुय-अन्नाणी य, एवं जाव वणस्सइकाइया।
वेइंदिया णं पुच्छा, गोयमा ! नाणीवि, अन्नाणीवि । जे नाणी ते नियमा, दुअन्नाणी, तं जहा-आभि णिबोहियनाणी सुयनाणीय । जे अन्नाणी ते नियमा दुअन्नाणी, आभिणिबोहिय-अन्नाणी सुय-अन्नाणी य, एवं तेइंदिय-चरिदियावि । पंचिदियतिरिक्खजोणिया णं भंते ! पुच्छा, गोयमा ! नाणीवि, अन्नाणीवि