________________
नाऊण सुत्तेसु सई जइणागमाणं परिवेइणो तं। भासिंसु सव्वे समणं महतं जिणागमाणं रयणागरोऽयं ।।१५।। वक्खाणमज्झे समुदाहरन्तं, निस्सेस साहिच्च कहाविसेसा। साहिच्चपुव्वं रयणं समत्थं, पसंसमाणा विबुहा भणिंसु ।।१६।। समुत्तरंतं हु कुओ वि पुटं, उदाहरंतं सयलंपि वित्तं। गूढेवि अत्थे सुविबोहयंत, भणिंसु तं जीविअ विस्सकोसं।।१७।। दोसु सहस्सेसु विणिग्गएसुं, तिवासबुढेसु य विक्कमेसुं। . संवच्छरेसु लुहियाणपोरे, गणाहिवं तेण पयं गहीयं ।।१८।। एगत्ततथ संपयायाण नाणा, रायत्त्थाणे सादडी नाम पोरे। होत्था एगं साहु सम्मेलणं जं, पायं सव्वे तत्थ संगत्तियाणं।।१६।। विरायमाणेहि तहिं तयाणि, वियक्खणेहिं सुमहामुणीहिं। मएण एक्कण महाणुभावो, सव्वप्पहाणयरिओ कओ सो।।२०।। महामुणीसस्स पहाणसीसो, खजाणचन्दो हु महाजसंसी। धीरो मणस्सी समणो महप्पा, समायधम्मस्स सयाहिएसी।।२१।। सुपंडिओ से समणोवनामो, सीसो सुजोग्गो हु महामणीसी। महातवस्सी सिरिपुप्फचन्दो, टीगं सुसंपादियवं मुणीमं ।।२२।। हिन्दीजुगेऽस्सिं भविबोहणत्थं पियामहेणं गुरुणा निबद्धं । ' पोत्तेण सीसेण य सोहियं तं, कल्लाण-भाजो पढिऊण होन्तु।।२३।। नंदीसत्थं दिसु तित्थयराणं, सुत्तं बदं तग्गणस्सामिहिं तं। वक्खाणिसुं पुव्वसूरी अणेगे, हिन्दी टीया पत्थुया तस्स एसा।।२४।। तेसिं कणिठेण हु सेंवएणं, गुव्वावली साहसपायमेसा। कयामया णं मुणिविक्कमेण, खमंतु मे तत्थ पमायजायं ।।२५।। सुद्धं च ठावंतु किवालुणो ते, सुमंगलं मे सरणं च दिंतु। वंदामि सद्धेयपए खु निच्चं, सब्वे वि मोयंतु सुवंदमाणा।।२६ ।।
-मुणिविक्कमो
