________________
दसवां अध्ययन : पंचम अपरिग्रह-संवर
८२१ वीणा-विपंची-वल्लयि-वद्धीसक-सुघोस-नंदि-सूसर - परिवादिणिवंस-तूणक-पव्वक-तंती-तल-ताल-तुडिय - निग्घोस-गोयवाइयाइ, नङनट्टक जल्ल-मल्ल-मुट्ठिक-वेलंबक-कहक-पवक-लासग-आइक्खगलंख-मंख-तूणइल्ल-तुंबवीणिय-तालायर-पकरणाणि य बहूणि महुरसरगीतसुस्सराई, कंची-मेहला-कलाव-पत्तरक-पहेरकपायजालग - घंटिय - खिखिणी - रयणोरु जालिय-छुद्दि (ड्डि)यनेउर-चलणमालिय-कणगनियल-जालभूमणसद्दाणि,लोलाचंकम्ममाणाणूदोरियाई तरुणीजणहसिय-भणिय-कलरिभित-मंजुलाई गुणवयणाणि य बहूणि महुर-जणभासियाइं अन्नसु य एवमादिएसु सद्देसु मणुन्नभददएसु ण तेसु समणेण सज्जियव्वं, न रज्जियव्वं, न गिज्झियव्वं, न हसियव्वं, न मुज्झियव्वं, न विनिग्घायं आवज्जियव्वं, न लुभियव्वं, न तुसियव्वं, न स च मइं च तत्थ कुज्जा । पुणरवि सोइदिएण सोच्चा सद्दाइ अमणुन्नपावकाई, किं ते ? अक्कोस-फरुस-खिसण-अवमाणण-तज्जण-निब्भछणदित्तवयण-तासण-उक्कूजिय-रुन्न-रडिय-कंदिय - निग्घुट्ठ - रसियकलुणविलवियोइ, अन्नेसु य एवमादिएसु सद्देसु अमणुण्णपावएसु न तेसु समणेण रूसियव्वं, न हीलियब्वं, न निदियव्वं, न खिसियव्वं, न छिदियव्वं, न भिदियव्वं, न वहेयव्वं, न दुगु छावत्तियाए लब्भा · उप्पाएउ, एवं सोतिदियभावणाभावितो भवति अंतरप्पा मणुन्नामणुन्नसुभिदुन्भिरागदोसप्पणिहियप्पा साहू मणवयणकायगुत्ते संवुडे पणिहिति दिए चरेज्ज धम्मं ॥१॥ . बितियं चक्खिदिएण पासिय रूवाणि मणुन्नाइ भद्दाई सचित्ताचित्तमोसकाई कट्ठ', पोत्ते य, चित्तकम्मे, लेप्पकम्मे, सेले य, दंतकम्मे य, पंचहिं वण्णेहिं अणेगसंठाणसंठियाइ
