________________
७००
श्री प्रश्नव्याकरण सूत्र मत्थिय-चुन्निय-कुसल्लिय-पव्वयपडिय-खंडिय-परिसडिय-विणासियं, विणयसीलतवनियमगुणसमूहं तं बंभं भगवंतं गहगणनक्खत्ततारगाणं बा जहा उडुपत्ती, मणिमुत्तसिलप्पवालरत्तरयणागराणं च जहा समुद्दो, वेरुलिओ चेव जहा मणीणं, जहा मउडो चेव भूसणाणं, वत्थाणं चेव खोमजुयलं, अरविदं चेव पुप्फजेठं, गोसीसं चेव चंदणाणं, हिमवंतो चेव ओसहीणं, सीतोदा चेव निन्नगाणं, उदहीसु जहा सयभुरमणो, रुयगवरे चेव मंडलिकपव्वयाणं, पवरो एरावण इव कुजराणं, सीहोव्व जहा मिगाणं, पवरे पवकाणं चेव वेणुदेवे, धरणो जह पण्णगइंदराया; कप्पाणं चेव वंभलोए, सभा मु य जहा भवे सोहम्मा, ठितिसु लवसत्तमव्व पवरा, दाणाणं चेव अभयदाणं, किमिराओ(उ) चेव कंबलाणं, संघयणे चेव वज्जरिसभे, संठाणे चेव समचउरंसे, झारणेसु य परमसुक्कज्झाणं, णाणे सु य परमकेवलं तु सिद्ध, लेसासु य परमसुक्कलेस्सा, तित्थंकरे जहा चेव मुणीणं, वासेसु जहा महाविदेहे, गिरिराया चेव मंदरवरे, वणेसु जह नंदणवणं पवरं, दुमेसु जहा जंबू सुदंसणा वि(वी)-सुयजसा जीए नामेण य अयं दीवो । तुरगवती, गयवती, रहवती, नरवती जह वीसुए चेव राया,रहिए चेव जहा महारहगते । एवमणेगा गुणा अहीणा भवंति एक्कमि बंभचेरे जंमि य आराहियंमि आराहियं वयमिणं सव्वं, सीलं तवो य, विणओ य, संजमो य, खंती,गुत्ती, मुत्ती, तहेव इहलोइयपारलोइयजसे य,कित्ती य,पच्चओ य । तम्हा निहुएण बंभचेरं चरियव्वं, सव्वओ विसुद्ध जावज्जीवाए जाव सेयट्ठिसंज उत्ति, एवं भणियं वयं भगवया । तं च इमं--
पंचमहव्वयसुव्वयमूलं, समणमणाइलसाहुसुचिन्नं । वेरविरामणपज्जवसाणं, सव्वसमुद्दमहोदधितित्थं ।।१।।
