________________
चतुर्थ अध्ययन : अब्रह्मचर्य-आश्रव
४०७
मूलपाठ मेहुणसन्नासंपगिद्धा य मोहभरिया सत्थेहि हणंति एक्कमेक्कं, विसयविसस्स उदीरएसु, अवरे (उदारा) परदारेहिं हम्मंति, विसुणिया धणनासं सयणविप्पणासं च पाउणंति । परस्स दाराओ जे अविरया मेहुणसन्नासंपगिद्धा य मोहभरिया अस्सा, हत्थो, गवा य, महिसा, मिगा य मारेंति एक्कमेक्कं, मणुयगणा वानरा य पक्खी य विरुज्झंति, मित्ताणि खिप्पं भवंति सत्त, समये धम्मे गणे य भिदंति पारदारी, धम्मगुणरया य बंभयारी खणेण उल्लोट्ठए चरित्ताओ,जसमंतो सुव्वया य पावेंति अयसकित्ति,रोगत्ता वाहिया पवढिंडति रोयवाही, दुवे य लोया दुआराहगा भवंति--इहलोए चेव परलोए परस्स दाराओ जे अविरया, तहेव केइ परस्स दारं गवेसमाणा गहिया हया य बद्धरुद्धा य एवं जाव गच्छंति विपुलमोहाभिभूयसन्ना । मेहुणमूलं च सुब्वए तत्थ तत्थ वत्तपुव्वा संगामा जणक्खयकरा सीयाए दोवईए कए रुप्पिणीए पउमावईए, ताराए, कंचणाए, रत्तसुभद्दाए, अहिन्नियाए, सुवन्नगुलियाए, किन्नरीए, सुरूवविज्जुमतीए य रोहिणीए य । अन्नेसु य एवमादिएसु बहवो महिलांकएसु सुव्वंति अइक्कंता संगामा गामधम्ममूला (अबंभसेविणो) इहलोए ताव नट्ठा (विनट्ठकीत्ति) परलोए वि य णट्ठा महया मोहतिमिसंधकारे घोरे तसथावरसुहुमबादरेसु पज्जत्तसाहारणसरीरपत्तेयसरीरेसु य, अंडज-पोतजजराउय-रसज-संसेइम-समुच्छिम-उब्भिय-उववादिएसु य नरगतिरियदेवमाणुसेसु,जरामरणरोगसोगबहुले पल्लिओवमसागरोवमाइं अणादीयं अणवदग्गं दोहमद चाउरंतसंसारकंतारं अणुपरियट्टति जीवा मोहवस (सं)संनिविट्ठा ।
एसो सो अबंभस्स फलविवागो इहलोइओ पारलोइओ य
