________________
१०६
श्री प्रश्नव्याकरण सूत्र च्छिप्पणाणि य, प (ओ) उलणविकप्पणाणि य, जावज्जीविगबंधणाणि, पंजरनिरोहणाणि य, सयूहनिद्धाडणाणि य,धमणाणि य, दोहणाणि य, कुदंडगलबंधणाणि य, वाडगपरिवारणाणि य, पंकजलनिमज्जणाणि य, वारिप्पवेसणाणि य, ओवायणिभंगविसमणिवडणदवग्गिजालदहणाइ (याइ) य । एवं ते दुक्खसयसंपलित्ता नरगाओ आगया इहं सावसेसकम्मा तिरिक्खपंचेंदिएसु पावंति पावकारी कम्माणि पमाय-राग-दोस-बहु सचियाइ अतीव अस्सायकक्कसाइ।
भमर-मसग-मच्छिमाइएसु य. जाइकुल कोडिसयसहस्सेहिं नवहिं चउरिदियाण तहिं तहिं चेव जम्मणमरणाणि अणुहवंता कालं संखि (खे) ज्जं (ज्जक) भमंति नेरइयसमाणतिव्वदुक्खा फरिस-रसण-घाण-चक्खुसहिया । तहेव तेइ दिएसु कुथु-पिप्पीलिया-अंधिकादिकेसु य जातिकुलकोडिसयसहस्सेहिं अहिं अणूणगे (ए) हिं तेइ दियाण तहिं तहिं चेव जम्मणमरणाणि अणुहवंता कालं संखिज्जगं भमंति नेरइयसमाणतिव्वदुक्खा फरिसरसणघाणसंपउत्ता । गंडूलय-जलूय-किमिय-चंदणग-मादिएसु य जातिकुलकोडिसयसहस्सेहिं सत्तहिं अणूणएहिं बेइंदियाण तहिं तहिं चेव जम्मणमरणाणि अणुहवंता कालं संखिज्जकं भमंति नेरइयसमाणतिव्वदुक्खा फरिसरसणसंपउत्ता। पत्ता एगिदियत्तणं पि य पुढवि-जल-जलण-मारुय-वणप्फतिसुहुमबायरं च पज्जत्तमपज्जत्तं पत्तेयसरीरणामसाहारणं च, पत्तेयसरीरजीवेसु (जोविएसु) तत्थ वि कालमसंखेज्ज (ज्जगं) भमंति, अणंतकालं च अणंतकाए फासिदियभावसंपउत्ता दुक्खसमुदयं इमं अणि? पावं (वि) ति पुणो पुणो तहिं तहिं जेव परभवतरुगणगहणे ॥ ___कोद्दाल-कुलिय-दालण-सलिल-मलण - खुभण-रु भण-अणलाणिल-विविहसत्थघट्टण-परोप्पराभिहणण-मारण - विराहणाणि
