________________
त्रयोविंशोऽध्याय: ।
ब्रह्माना
ब्रह्मोवाच । क्षीराशी नन्दिका'रभ्य देव्या भक्तिरतो नृपः । शाक यावक एकाशी प्रातः स्नायी शिवारतः ॥१॥ पूजयेत् तिलहोमस्तु दधि क्षीरघृतादिभिः । कार्य्यन्तु देवीमन्त्रेण श्रृणु पूजा फलं हरे ॥२॥ महापातकसंयुक्तो युक्तो वा सर्वपातकैः । मुच्यते नात्र सन्देहो यस्मात् सर्वगता शिवा ॥३॥ अन्यो वा भावनायुक्तो अनेन विधिना शिवाम् । स्वयं वा अन्यतो वापि पूजयेत् पूजापयेत वा ॥४॥ न तस्य भवति व्याधिन च शत्रुकृतं भयम् । नोत्पातग्रहदुःखं वा न च राष्ट्र विनश्यति ॥५॥ सदा सुभाव सम्पन्ना ऋतवः शुभदा घनाः । निष्पत्तिः शस्यजातानां तस्करा न भवन्ति च ॥६॥ प्रभूतपयसो गावो ब्राह्मणाः स्वक्रियापराः । स्त्रियः पतिव्रताः सर्वा निवृत्त-वैरिणो नृपाः ॥७॥ फल-पुष्पवती देवी वनस्पतिः महामतिः । भवते नात्र सन्देहश्चच्चिकाविधिपूजनात् ॥८॥ जयन्ती मङ्गला काली भद्रकाली कपालिनी । दुर्गा शिवा क्षमा धात्री स्वाहा स्वधा नमोस्तुते ॥६॥ अनेनैव तु मन्त्रेण जपहोमन्तु कारयेत । प्रातः संस्मरिता वत्स महिषध्नी प्रपूजिता ॥१०॥
.. अघं नाशयते क्षिप्रं यथा सूर्योदये तमः ॥११॥ सिंहारूढा ध्वजे यस्य नृपस्य रिपुहा उमा । द्वारस्था पूज्यते वत्स न तस्य रिपुजं भयम् ॥१२॥ कपिसंस्था महामाया सर्वशत्रु विनाशिनी । वृषे यथेप्सितं दद्यात्कलशे श्रेयमुत्तमम् ॥१३॥ हंसे विद्यार्थ कामांस्तु वहिणे सुतमिष्टदा । गरुत्मगा महामाया सर्वरोगविनाशिनी ॥१४॥ महिषस्था महामारी शमते ध्वजसंस्थिता । करिस्था सर्वकार्येषु नृपः कार्या त्रिशूलिनी ॥१५॥
२. उपपातकः क ग ।
३. स्वभाव कग।
१. कात्ति का क ग । ४. धात्री शस्यानि रसवंति च ।
