________________
२९२
दान : अमृतमयी परंपरा दाऊण खीरदाणं, तवेण सुसिअंगसाहुणो धणिअं । जणजणिअचमक्कारो, संजाओ सालिभद्दो वि ॥९॥
जम्मंतरदाणाओ, उल्लसिआऽपुवकुसलझाणाओ। कयवन्नो कयपुन्नो, भोगाणं भायणं जाओ ॥१०॥ घयपूस-वत्थपूसा, महरिसिणो दोसलेसपरिहीणा। लद्वीइ सव्व (सयल) गच्छो-वग्गहगा सुहगई पत्ता ॥११॥ जीवंतसामिपडिमाए, सासणं विअरिऊण भत्तीए । पव्वइऊण सिद्धो, उदाइणो चरमरायरिसी ॥१२॥
जिणहरमंडिअवसुहो, दाउं अणुकंपभत्तिदाणाई। . तित्थप्पभावगरेहिं संपत्तो संपइराया ॥१३।।
दाउं सद्धासुद्धे, सुद्धे कुम्मासए महामुणिणो । सिरिमूलदेवकुमारो, रज्जसिर पविओ गुरुइं ॥१४॥
अइदाणमुहरकविअण-विरइअसयसखकव्ववित्थरिअं । विक्कमनरिंदचरिअं, अज्जवि लोए परिप्फुरइ ॥१५॥
तियलोयबंधवेहिं, तब्भवचरिमेहिं जिणवरिंदेहिं। कयकिच्चेहिं वि दिन्नं, संवच्छरियं महादाणं ॥१६॥ सिरिसेयंसकुमारो, निस्सेयससामिओ कहं न होइ । फासुअदाणपवाहो, पयासिओ जेण भरहम्मि ॥१७॥
