________________
सूयगडम्मि
[1. 15. 9इथियो जे न सेवन्ति आइमोक्खा हु ते जणा। ते जणा बन्धणुम्मुक्का नावकंखन्ति जीवियं ॥९॥ जीवियं पिडओ किच्चा अन्तं पावन्ति कम्मुणं । कम्मुणा संमुहीभूया जे भग्गमणुसासई ॥ १० ॥ अणुसासणं पुढो पाणी वसुमं पूयणासु ते । अणासए जए दन्ते दढे आरयमेहुणे ॥ ११ ॥ नीवारे व न लीएजा छिन्नसोए अणाविले । अणाइले सया दन्ते संधि पत्ते अणेलिसं ॥ १२ ॥ अणेलिसस्स खेयन्ने न विरुज्झेज केणइ । मणसा वयसा चेव कायसा चेव चक्खुमं ॥ १३ ॥ से हु चक्खू मणुस्साणं जे कंखाए य अन्तए । अन्तेण खुरो वहई चकं अन्तेण लोहई ॥ १४ ॥ अन्ताणि धीरा सेवन्ति तेण अन्तकरा इह । इह माणुस्सए ठाणे धम्ममाराहिउं नरा ॥ १५ ॥ निष्ठियष्ठा व देवा वा उत्तरीए इयं सुयं । सुयं च मेयमेगेसि अमगुस्सेसु नो तहा ॥ १६ ॥ अन्तं करन्ति दुक्खाणं इहमेगेसिमाहियं । आघायं पुण एगेसिं दुल्लभेयं समुस्सए ॥ १७॥ इओ विद्धंसमाणस्स पुणो संबोहि दुल्लहा । दुल्लहाओ तहचाओ जे धम्मटुं वियागरे ॥ १८ ॥ जे धम्मं सुद्धमक्खन्ति पडिपुण्णमणेलिसं । अणेलिसस्स जं ठाणं तस्स जम्मकहा कओ ॥ १९ ॥ कओ कयाइ मेहावी उप्पञ्जन्ति तहागया । तहागया अप्पडिन्ना चक्खू लोगस्सगुत्तरा ॥ २० ॥
