________________
सूयगडम्मि
[1,9. 31हम्ममाणो न कुप्पेज वुच्चमाणो न संजले । सुमणे अहियासेजा न य कोलाहलं करे ॥ ३१ ॥ लद्धे कामे न पत्थेजा विवेगे एवमाहिए । आयरियाई सिक्खेजा बुद्धाणं अन्तिए सया ॥ ३२ ॥ सुस्सूसमाणो उवासेजा सुप्पन्नं सुतवस्सियं । वीरा जे अत्तपन्नेसी धिइमन्ता जिइन्दिया ।। ३३ ॥ गिहे दीवमपासन्ता पुरिसादाणिया नरा । ते वीरा बन्धणुम्मुक्का नावकंखन्ति जीवियं ॥ ३४ ॥ अगिद्धे सद्दफासेसु आरम्भेसु अनिस्सिए । सव्वं तं समयातीयं जमेयं लवियं बहु ॥ ३५ ॥ अइमाणं च मायं च तं परिन्नाय पण्डिए । गारवाणि य सव्वाणि निव्वाणं संधए मुणि ॥३६॥
त्ति बेमि ॥ धम्मज्झयणं नवमं ।।
समाहियज्झयणे दसमे
1. 10. आघ मईमं अणुवीइ धम्म अञ्चू समाहिं तमिमं सुणेह । अपडिन्न भिक्खू उ समाहिपत्ते अणियाण भूएमु परिव्यएजा ॥ १ ॥ उड्ढे अहे यं तिरियं दिसासु तसा य जे थावर जे य पाणा । हत्थेहि पाएहि य संजमित्ता अदिन्नमन्नेसु य नो गहेजा ॥ २ ॥ सुयक्खायधम्मे वितिगिच्छतिण्णे लाढे चरे आयतुले पयासु । आयं न कुजा इह जीवियही चयं न कुजा सुतवस्सि भिक्खू ॥३॥
