________________
आया गुरवो सत्यं ति पञ्चया वाऽऽदिमोच्चिय जिणस्स । सपञ्चक्खत्तणओ सेसाण उ तिप्पयारो वि ॥ (२१४१) " नेगम संगह ववहार उज्जुसुए चेव होइ बोद्धव्वा । सद्दे य समभिरूढे एवंभूए य मूलनया ॥ (२१८१ नि.) णेगेहि माणेहिं मिणइत्ती णेगमस्स नेरुत्ती। सेसाणंपि नयाणं लक्खणमिणमो सुणह वोच्छं ॥ (२५८२ नि.) संगहियपिडियत्थं संगहवयणं समासओ बिति । वच्चइ विणिच्छियत्यं ववहारो सव्वदवेसु ॥ (२१८३ नि.) पच्चुप्पन्नग्गाही उज्जुसुओ नयविही मुणेअव्वो। इच्छइ विसेसियतरं पच्चुप्पन्नं नओ सद्दो ॥ (२१८४ नि.) वत्थूओ संकमणं होइ अवत्थू नए समभिरुढे । वंजण-अत्थ-तदुभए एवंभूओ विसेसेइ ” ॥ (२१८५ नि०) दोहिवि नएहिं नीयं सत्थमुलूएण तहवि मिच्छत्तं । जं सविसयप्पहाणतणेण अन्नोन्ननिरवेक्खा ॥ ( २१९५) पइवत्थु सामन्नं जह तो णेग न यावि सामन्नं । अह दव्वेसु तदेगं तहऽवि सदेसं न सामन्नं ॥ (२१९९) अह पइवत्थुमिहेगं च तहवि तं नत्थि खरविसाणं व । न य तदुवलक्खणं तं जुज्जइ सव्वगयत्तओ खं व ॥ (२२००) तम्हा वत्थूणं चिय जो सरिसो पज्जबो स सामन्न । जो विसरिसो विसेसो स मओऽणत्यंतरं तत्तो ॥ ( २२०२) सब्भावा-सब्भावो-भयप्पिओ स-परपज्जओ-भयो । कुंभाऽकुंभा-ऽवत्तव्योभयरूवाइभेओ सो ॥ (२२३२) जावन्तो वयणपहा तावन्तो वा नयाऽविसद्दाओ।
