________________
५८
स एवंपण्णे, एवंभावे, एवंपरिणामे, अप्पडिबडिए, वड्ढमाणे तेउल्लेसाए, दुवालसमासिएणं परिआएणं अइक्कमइ सव्वदेवतेउल्लेसं;-एवमाह महामुणी। तओ सुक्के सुक्काभिजाई भवइ, पायं छिण्णकम्माणुबंधे, खवइ लोगसण्णं, पडिसोअगामी, अणुसोअनिवित्ते ।
सया मुहजोगे एस जोगी विआहिए। एस आराहगे सामण्णस्स, जहा गहिअपइण्णे सयोवहासुध्धे संधइ सुद्धगं भवं सम्मं अभवसाहगं भोगकिरियासुरूवाइकप्पं । तओ ता संपुण्णा पाउणइ अविगलहेउभावओ असंकिलिट्ठसुहरूवाओ अपरोवताविणो सुंदरा अणुबंधेणं । न य अण्णा संपुण्णा; तत्तत्तखंडणेणं । एअं नाणंति वुच्चइ । एअंमि सुहजोगसिद्धी । उचिअपडिवत्तिपहाणा इत्थ भावो पवत्तगो। पायं विग्धो न विजइ निरणुबंधासुहकम्मभावेण । अक्खित्ताओ इमे जोगा भावाराहणाओ। तहा तओ सम्म पवत्तइ, निप्फायइ अणाउले । एवं किरिआ सुकिरिआ, एगंतनिकलंका निकलंकत्थसाहिआ, तहा सुहाणुबंधा उत्तरुत्तरजोगसिद्धीए ।
तओ से साहइ परं परत्थं सम्मं । तकुसले सया तेहिं तेहि पगारेहिं साणुबंधं महोदए बीजबीजादिट्ठावणेणं, कत्तिविरिआइजुत्ते अवंझसुहचिट्ठ समंतभद्दे सुप्पणिहाणाइहेऊ मोहतिमिरदीवे रागामयविज्जे दोसानलजलनिही संवेगसिद्धिकरे हवइ अचितचिंतामणिकप्पे । स एवं परंपरत्थसाहए तहा करुणाइभावओ, अणेगेहिं भवेहिं विमुञ्चमाणे पात्रकम्मुणा, परड्ढमाणे अ सुहभावेहिं अणेगभविआए आराहणाए पाउणइ सव्वुत्तमं भवं चरमं अचरमभवहेउ अविगलपरंपरत्थनिमित्तं । तत्थ काऊण निरवसेसं किच्च विहूअरयमले सिज्ज्ञइ बुज्झइ मुच्चइ परिनिव्वाइ सव्यदुक्खाणमंतं करेइ ॥
इति पव्वजापरिपालणासुत्तं सम्मत्तं ॥ ४ ॥
