________________
तमवगच्छिअ जहाविहाणओपवण्णे सुकिरिअं, निरुद्धजहिच्छाचारे, तुच्छपत्थभोई, मुञ्चमाणे वाहिणा, निअत्तमाणवेअणे समुवलन्भारोग्गं पवड्ढमाणतब्भावे तल्लाभनिव्वुईर तप्पडिबंघाओ सिराखाराइजोगेवि वाहिसमारुग्गविण्णाणेण इट्ठनिप्फत्तीओ अणाकुलभावयाए किरिओवओगेण अपीडिए अवहिए सुहलेस्साए वड्ढइ, विज्जं च बहु मण्णइ ।।
एवं कम्मवाहिगहिए अणुभूअजम्माइवेअणे, विण्णाया दुक्खरूवेणं, निविण्णे तत्तओ, तओ सुगुरुवयणेण अणुट्ठाणाइणा तमवगच्छिअ पुवुत्तविहाणओ पवन्ने सुकिरिअं पव्वज्ज; निरुद्धपमायायारे असारसुद्धभोई, मुच्चमाणे कम्मवाहिणा, निअत्तमाणिट्ठविओगाइवेअणे, समुवलभ चरणारोग्गं, पवढमाणसुहभावे, तल्लाभनिव्वुईए तप्पडिवंधविसेसओ परीसहोवसग्गभावेवि तत्तसंवेअणाओ कुसलासयवुड्ढीथिरासयत्तेण धम्मोवओगाओ, सया थिमिए तेउल्लेसाए पवड्ढइ, गुरुं च बहु मन्नइ जहोचिरं असंगपडिवत्तीए, निसग्गपवित्तिभावेण ।
__ एसा गुरुई विआहिआ भावसारा, विसेसओ भगवंतबहुमाणेणं, 'ओ में पडिमन्नइ से गुरुं'ति तदाणा। अन्नहा किरिआ अकिरिआ, कुलडानारीकिरिआसमा, गरहिआ तत्तवेईणं, अफलजोगओ। विसण्णतत्तीफलमित्थ नायं, आवट्टे खु तप्फलं असुहाणुबंधे। ___ आयओ गुरुबहुमाणो अवंझकारणत्तेण, अओ परमगुरुसंजोगो, तओ सिद्धी असंसयं । एसेह सुहोदए पगिट्टतयणुबंधे भववाहितेगिच्छी । न इओ सुंदरं परं। उवमा इत्थ न विजई ।
