________________
१९६
संविग्गपक्खियत्तं, करिज लम्भिहिसि तेण पहं ॥ ५२२ ।। कंताररोहमद्धाणओमगेलन्नमाइकज्जेसु । सव्वायरेण जयणाइ कुणइ जं साहुकरणिज्जं ॥ ५२३ ।। आयरतरसंमाणं सुदुक्करं माणसंकडे लोए । संविग्गपक्खियत्तं, आसन्नेणं फुडं काउ॥ ५२४ । सारणचइआ जे गच्छनिग्गया पविहरंति पासस्था। जिणवयणबाहिराऽवि य, ते उ पमाणं न कायव्वा ।। ५२५ ।। हीणस्सऽवि सुद्धपरूवगस्स संविग्गपक्खवायस्स । जा जा हविज्ज जयणा, सा सा से निजरा होइ ॥ ५२६ ।। सुक्काइयपरिसुद्ध, सइ लाभे कुणइ वाणिओ चिढं। एमेव य गीयत्थो, आयं दट्ठं समायरइ ॥ ५२७ ॥ आमुक्कजोगिणो चिअ, हवई थोवाऽवि तस्स जीवदया । संविग्गपक्वजयणा, तो दिट्टा साहुबग्गस्स ।। ५२८ ॥ किं मूसगाण अत्थेण ? किं वा कागाण कणगमालाए ? । मोहमलखलिआणं, किं कज्जुवएसमालाए ? ।। ५२९ ।। चरणकरणालसाणं, अविणयबहुलाण सययऽ. जोगमिणं । न मणी सर साहस्सो, आबज्झइ कुच्छ भासरस । ५३०।। नाउण करयलगयाऽऽमलं व सम्भावओ पहं सव्वं । धम्मम्मि नाम सीजइत्ति कम्माइ गुरुआई ॥ ५३१ ॥ धम्मत्थकाममुकलंसु जस्स भावो जहिं जहिं रमइ । वरग्गेगंतरसं न इमं सव्वं सहावेह ।। ५३२ ॥ संजमतवालसाणं, वेरग्गकहा न होइ कण्ण सुहा । संविग्गपक्खियाणं, हुज व केसिंचि नाणीणं ॥ ५३३ ।। सोऊण पगरणमिणं, धम्मे जाओ न उज्जमो जस्स । न य जणियं वेरग्गं, जाणिज्ज अणंतसंसारी ।। ५३४ ॥ कम्माण सुबहुआणुवसमेण उवगच्छई इमं सव्यं । कम्ममलचिक्कणाणं, वञ्चइ पासेण भन्नंतं ॥ ५३५ ।। उवएसमालमेयं जो पढइ सुणइ कुणइ वा हियए । सो जाणइ अप्पहियं नाऊण सुहं समायरई ॥ ५३६ ।। धंतमणिदामससिगयणिहिपयपढमक्खराभिहाणेणं । उवएसमालप.. गरणमिणमो रइरं हिअट्टाए ॥ ५३७ ॥ जिणवयणकप्परक्खो,
