________________
पढमो भयो।]
कम्मसन्नं, तिण्णो भवसमुद्दो, पाविया सासयसिवसुहसिद्धि त्ति। तओ मए चिन्तियं । आविन्भूयं नूणमेएसिं केवलं, मुक्का जाइजरामरणदुक्खवासस्स ॥ एत्थन्तरंमि दिट्ठा मए केवलपहावओ च्चिय रयणमयसीहासणोवविट्ठा विणियट्टभवपवञ्चा पसन्तचित्तवावारा केवलसिरीसमद्धासियसरीरा मुत्तिमन्ता विव गुणमणा ५ भयवन्तो साहुणो त्ति । तओ मए चिन्तियं । न एत्य संदेहो, संपुण्णमेव एएसिं केवलनाणं ति । तओ आणंदबाहजलभरियलोयणेणं रोमञ्चपुलइयङ्गेणं विम्हयवसुप्फुल्ललोयणेणं धरणिनिमियजाणुकरयलेणं तहाविहं अच्चन्तसोहणं अणाचिक्खणीयं२१ अवस्थन्तरमणुहवन्तेण वन्दिया मए, वन्दिऊण य उवविठ्ठो ते- .. सिं पुरओ । पत्थुया केवलिणा कहा । पयत्ता पुच्छिउं हियइच्छियं देवनरगणा । तओ मए चिन्तियं । किं पुणो अहमेए भयवन्तो पुच्छामि । जाव आवडिओ हिययसल्लभूओ चित्तंमि मे विहावसू२२ । तओ मए चिन्तियं · अह कहिं पुण मे मित्तो विहावसू उप्पन्नो; होउ, एयं पुच्छामि' ति चिन्तिऊण १५ पुच्छिओ मए भगवं केवली । भयवं, अस्थि इओ कोइ कालो पञ्चत्तमुदगयस्स मे मित्तस्स । ता कहिं सो उववन्नो, किं वा संपयमवत्थन्तरमनुहवइ किं वा मम मुणियपरमत्थमग्गस्स वि तविओयाणलजणियसंतावो चित्तंमि नोवसमं जाइ त्ति केवलिणा भणियं । सुण ।
आस्थ इहेव गन्धारपुरे नयरे ऊसइनो नाम वत्थसो.
१२१. अनाचक्षणीयमनाख्यापनीयमित्यर्थः । १२२. आपतितो हृदयशल्यभूतः चिते मे विभावसुः ।
