________________
३४
[ समराइचकहा ।
पावियं तए फलं लोयणाणं । अहं पिणं भयवन्तं मोत्तूणमन्तरायं सुए वन्दिस्सामिति ॥ अइकन्ताए रयणीए कयसयलगोसकिच्चो राया गओ तमुज्जाणं । दिट्ठो य णेण अणेयसमणपरियरिओ संपुण्णसारयससि व्व तारयगणपरिवुडो ५ विजयसेणायरिओ । तओ हरिसुभिन्न पुलएण आणन्दबाहजलभरियलोयणेणं धरणिनिहित्तजानुकरयलेणं सविषयं पणमिओ अणेण, दिनो य से गुरुणा वि सारीरमाणसाणे गदुक्खवि उडणो सासयसिवसोक्खतरुबीयभूओ धम्मलाभो त्ति । तओ अट्ठारससीलङ्गसहस्सभरवहे सिद्धि बहूनि भराणुरायसमागमचिन्तादुब्बले
1
साहुणो वन्दिऊण उचविट्ठो गुरुसमोवे । विहिओ य तस्स aaree भणियं च णेण । भयवं किं ते सयलसंपुण्णमोहरस्सावि ईइसं निव्वेयकारणं, जेण इओ तओ ससम्भमनिवडन्तनरिन्दम उलिमणिप्पभाविसरविच्छुरियपायवीढं रायलच्कि उझिय इमं ईइस इहलोयनिष्पिवासं वयविसेसं पडिवो १५ त्ति | विजयसेणेण भणियं । महाराय, संसारंमि वि निव्वेयकारणं पुच्छसि । नगु सुलहमेत्थ निव्वेयकारणं । सुण ॥
नारयतिरियनरामरभवेसु हिण्डन्तयाण जीवाणं । जम्मजरामरणभए मोत्तूण किमत्थि किंचि सुहं ॥ ६२ ॥ किं अस्थि नारगो वा तिरिओ मणुओ सुरो व संसारे । सो कोइ जस्स जम्मणमरणाइ न होन्ति पावाईं ॥ ६३ ॥ तेहि गहियाण य कहं होइ रई हरिणतणयाणं व । कूडयपडियाण दढं वाहेहि विलुप्पमाणाणं ॥ ६४ ॥११४
११४. हरिणतनयानामिव कूटकपतितानां दृढं व्याधैः विलुप्यमानानां ।
