________________
[समराइचकहा
पेच्छह से अइणिगूढायारमाचरियं, जेण तं तहा मम समक्खं मणाणुकूलं जंपिय करणेण विवरीयमायरइ त्ति । चिन्तयन्तो सो निग्गओ नयराओ । एत्थन्तरंमि य अनाणदोसेणं अभाविवपरमत्थमग्गत्तणेण य गहिओ कसाएहिं, अवगया से परलोय. वासणा, पणटा धम्मसद्धा, समागया सयलदुक्खतरुबीयभूया अमेत्ती, जाया य देहपीडाकरी अतीव बुभुक्खा । आकरिसिओ बुभुक्खाए । तओ
पढमपरीसहवइएण २ तेण अमाणकोहवसएणं । घोरं नियाणमेयं पडिवनं मूढहियएणं ॥ ५८ ॥ जइ होज इमस्स फलं मए सुचिण्णस्स वयविसेसस्स । ता एयस्स वहाए पइजम्मं होज मे जम्मो ॥ ५९॥ न कुणइ पणईण पियं जो पुरिसो विप्पियं च सत्तूणं । किं तस्स जगणिजोव्वणविउडणमेत्तेण-3 जम्मेणं ॥ ६॥ सत्तू य एस राया मम सिसुभावाउ चेव पावो त्ति । अवराहमन्तरेण वि करेमि तो विप्पियमिमस्स ॥ ६ ॥ इय काऊण नियाणं अप्पडिकन्तेण तस्स ठाणस्स । अह भावियं सुबहुसो कोहाणलजलियचित्तेण ।। ६२ ।।
एत्यन्तरंमि पत्तो एसो तवोवणं, अणेयवियप्पजगियकुत्रिन्तासंधुक्कियपवड्माणकोहाणलो य कुलवई सेसतावसे य परि२० हरिऊण अलक्खिओ चेव गओ सहयारवीहियं, उवविठ्ठो य
विमलसिलाविणिम्मिए चाउरन्तपीढे ति । अणुसयवसण पुणो वि चिन्तिउमारद्धो। अहो से राइणो ममोवरि पडिणीयभावो"। ८२. प्रथमपरिसहपतितेन । ८३. अननीयौवनविनाशमात्रेण । ८४. प्रतिकूलभावः ।
