________________
"पढमो भयो।
तओ एयमायण्णिऊण ससंभन्तो राया पयट्टो तस्स मग्गे, दिट्ठो य णेणं नयराओ निग्गच्छन्तो अग्गिसम्मतावसो । तओ ओयरिऊण रहवराओ भत्तिनिब्भरं निवडिऊण चलणेसु वित्तो सबहुमाणं । भयवं, करेह पसायं, विणियत्तसु त्ति । अहम. भिप्पए वि गमणे तुह चेवागमणमणुवालेन्तो एत्तियं वेलं ठिओ ५ म्हि, जाव तुमं पविसिऊण मम गेहं अलक्खिओ चेव मे पहाणपरियणेण निग्गओ सि । ता नियत्तसु त्ति । अग्गिसम्मतावसेण भणियं । महाराय, विइयवुत्तन्तो चेव मे तुमं पइन्नाविसेसस्स; ता अलं ते इमिणा ववसाएणं । सच्चपइन्ना खु तवस्सिणो हवन्ति, निविसेसा य लाभालाभेसु । राइणा . भणियं । भयवं, लज्जिओ म्हि इमिणा पमायचरिएणं तुह तिव्वतवजणियसरीरपीडाओ वि मे अहिआ सरीरपीडा । दढं दहइ मं संतावाणलो, पणस्सइ विय मे हिययं, अक्खिप्पइ विय मे वाणी, महापावकम्मकारिणं च मन्नेमि अप्पाणं, ता सयलदुहियसत्तबन्धुभूओ अकारणवच्छलो य भयवं तुम चेव १५ मे इमस्स दुक्खस्स उवसमोवायं चिन्तेहि । अग्गिसम्मतावसेण चिन्तियं । अहो से महारायस्स महाणुभावया । अकयपारणगेण मए एत्तियं खिज्जइ ति । अहो से गुरुयणसुस्सूसाणुराओ । ता न जाव मए एयस्स गेहे पारणयं कयं न ताव एस सत्यो होइ त्ति । चिन्तिऊण भणियं च तेण । महाराय, अनिमित्तं २० ते दुक्खं । तहावि एयस्स इमो उवसमोवाओ । अविग्घेण संपत्ते पारणगदिवसे पुणो वि तुह चेव गेहे आहारगहणं करिस्सामि त्ति पडिवलं मए । ता मा संतप्पसु त्ति । तओ धर:णिनिहियजाणुकरयलेणं भणियं राइणा । भयवं, सुट्ठ मुणिओ
