________________
[समराञ्चकहा
रणकलङ्कदूसियं अप्पाणं । एवं चिन्तिऊण जंपियमणेण । भयवं, अहं सो महापावकम्मयारी तुह हिययसंतावयारी अगुणसेणो, ति । अग्गिसम्मतावसेण भणियं । भो महाराय, सागपं ते। कहं तुम अगुणसेणो, जेण तए परपिण्डजीवियमेत्तविहवो अहं ईइसि तवविभूइं पाविओ त्ति । राइणा भणियं । अहो ते महाणुभावया । किं वा तवस्सिजणो पियं वजिय अनं भणिडं जाणइ । न य मियङ्कबिम्बाओ अङ्गारखुट्टीओ पडन्ति । ता भलं एइणा । भयवं, कया ते पारणगं भविस्सइ । अग्गिसम्मेण भणियं । महाराय, पञ्चहिं दिणेहिं । राइणा भणियं । भयवं, जइ ते नाईव उवरोहो, ता कायम्बो मम गेहे पारणएणं पसाओ । विनाओ य मए कुलवहणो सयासाओ तुज्झ पइनाविसेसो, अओ अणागयं पत्थेमि त्ति । अग्गिसम्मेण भणियं । महाराय, आगच्छउ ताव सो दियहो, को जाणइ अन्तरे किंपि भविस्सइ । अवि य
१५ एयं करेमि एण्हि अयं काऊण पुण इमं कलं ।
काहामि को णु मन्नइ सुविणयतुल्लंमि जियलोए ॥५०॥ अन्नं च । महाराय,
धी' जियलोयसहावो, जहियं नेहाणुरायकलिया वि। जे पुवण्हे दिवा ते अवरण्हे न दीसन्ति ॥ ५१ ।।
ता महाराय आगच्छउ ताव सो दियहो त्ति । राइणा मणियं । भयवं, विग्धं मोत्तण संगच्छह । अग्गिसम्मतावसेण भणियं । जइ एवं ते निब्बन्धो, ता एवं पडिवता ते पत्थणा ।
४९. स्वप्नतुल्ये । ५०. धिक् ।
