________________
भूमिया।]
भीमंमि मरणकाले मोत्तूणं दुक्खसंविढत्तं पि । अत्थं देहं सयणं धम्मो च्चिय होइ सुसहाओ ॥१५॥ पावेइ य सुरलोयं तत्तो वि सुमाणुसत्तणं धम्मो । तत्तो दुक्खविमोक्खं सासयसोक्खं लहुं मोक्खं ॥ १६ ॥ तं कुणइ जाणमाणो जाणइ य सुणेइ जो उ मज्झत्यो। १ कुसलो य धम्मियाओ कहाउ सम्वन्नुभणियाओ ॥ ७ ॥ ता पढमं धम्मगुणं पडुच्च८ चरियं अहं पवक्खामि । आराहगेयराणं "गुणदोसविभावणं परमं ॥ १८ ॥ नवपुधभवनिबद्धं संवेगकरं च भव्यसत्ताणं । चरियं समराइच्चस्स ऽवन्तिरन्नो सुणह वोच्छं ॥ १९॥ . एत्यं बहुया उ भवा दोण्ह वि उवओगिणो न ते सव्वे । नवसु परोप्परजोगो जत्तो संखा इमा भणिया ॥ २० ॥ जह तेणेव भगवया गिरिसेणुवसग्गसहणपज्जन्ते । संजायकेवलेणं सिर्ल्ड वेलंधरसुरस्स ।। २१ ॥ मुणिचन्दस्स य रन्नो देवीण य नम्मयापहाणाणं । संखेवेण फुडत्थं अहमवि तं संपवक्खामि ।। २२ ॥ भणियं च पुवायरिएहिं, गुणसेण-अग्गिसम्मा सीहाणन्दा य तह पिया-उत्ता। सिहि-जालिणि माइ-सुया धण-धणसिरिमो य पइ-भज्जा ॥ जय-विजया य सहोयर धरणो लच्छी य तह पई-भज्जा। २. सेण-विसेणा पित्तिय-उत्ता जम्ममि सत्तमए ॥ २४ ॥ गुणचन्द-वाणमंतर समराइच्च गिरिसेणपाणो उ । एक्कस्स तओ मोक्खो बीयस्सऽणन्तसंसारो ॥ २५ ॥ नगराई खिइपइटुं जयउर-कोसंबि-सुसम्मनयरं च । कायन्दी मायन्दी चम्पा ओज्झा२० य उज्जेणी ॥ २६ ॥ २५
१७. दुःखसमुपार्जितं । १८. प्रतीत्य । १९. आराधकेतराणां । २.. अयोध्या।
