________________
बीमो भयो।]
जह वा लुणाइ सासाइ कासओ परिणयाइ कालेण । इय भूयाइ कयन्तो लुणाइ जायाइ जायाइं ॥ ५४ २२३ ॥ जइ ताव मच्चुपासा सच्छन्दसुंह सुरेसु वियरन्ति । अच्चन्तमणोयारो जत्थ जरारोगवाहिणं ॥ २२४ ॥ किं पुण वाहिजरारोगसोगनिच्चुयंमि माणुस्से ।। मच्चुस्स सो पमाओ जं जियइ नरो निमेसं पि ॥ २२५ ॥ ता मा अधीरजणसेवियस्स अयसस्स देहि अवयासं । न हु मच्चुदाढलीढं इन्दो वि पहू नियत्तेउं ॥ २२६ ॥ इय मयमारणमेत्तेण वच्छ मा नियकुलं कलङ्केहि । गेण्हामि कहं चत्तं हन्त सवायाए५५ आहारं ॥ २२७ ॥ १. सोऊण इमं वयणं कोवाणलजलियरत्तनयणेण । 'जंपइ अज्जावि कहं' पहओ सीसंमि खग्गेणं ॥ २२८॥ परिचिन्तियं च तेणं 'नमो जिणाणं' ति मुणियतत्तेणं । 'पुचकयकम्मदोसो एसो' त्ति विसुद्धभावेणं ॥ २२९ ॥ 'सव्वो पुवकयाणं कम्माणं पावए फलविवागं । १५ अवराहेसु गुणेसु य निमित्तमेत्तं परो होइ" ॥ २३० ॥ एवं च चिन्तयन्तो पुणो वि हन्तूण पावकम्मेणं । विणिवाइओ महप्पा अकलुसचित्तो सकलुसेणं ॥ २३१ ।। मरिऊण य उववनो सणंकुमारंमि सुरवरो जुइमं५५६ । अह पञ्चसागराऊ लीलारामे विमाणंमि ॥ २३२ ॥ इयरो वि य काऊणं रज्जं मरिजण रयणपुढवीए । उववन्नो नेरइओ उक्कोसाऊ महाघोरो ॥ २३३ ॥ वक्खायं जं भणियं सीहाणन्दा य तह पियापुत्ता । सिहिजालिणिमाइसुया एत्तो एयं पवक्खामि || २३४ ॥ ४५४. यथा वा काशः (=रोगविशेषः) कालेन प रणतान् श्वासान् लुनाति, एवं कृतान्तो जातानि जातानि भूतानि लुनाति । ४५५. स्ववाचयां । ४५६ द्युतिमान् ।
