________________
૨૨
[समराइचकहाए
दोहलो । पच्छा विसायमुवगयाए दरिसिओ से राया । तओ समासत्या १० एसा, भणिया य मन्तिणा । सामिणि, पढमपसूयाए न ताव देवस्स निवेयणीओ गब्भजम्मो, अवि य . ममं ति; पच्छा जहोचियं करिस्सामि त्तिं । पडिसुयं तीए । अक्षया उचियसमए परिणयप्पाए दियहे पसूया देवी । सद्दाविओ तीए मइसायरो । भणिया य तेण । सामिणि, अकुसलो विय देवस्स एस गब्भो लक्खीयइ । ता अलं इमिणा, अन्नत्थ संवडउ, मओ देवस्स निवेइयइ त्ति । तीए भणियं । जुत्तमेयं
ति । ममं चिय हियएण मन्तियं अमच्चेणं११ ति । तओ १० पयट्टाविओ माहवीयाभिहाणाए दासचेडीए दारओ । गया थेवं
भूमिभागं । एत्थन्तरंमि दिट्ठा राइणा । पुच्छिया य 'किमयं' ति । तओ ससज्झसाए वेवमाणीए भणियं माहवियाए ‘देव न किंचि' ति । एत्थन्तरंमि रुइयं बालेण । तओ दारयं दहण
कुविएण भणियं राइणा । आ पावे, किमेयं ववसियं ति । १५ तओ थीसहावकायरयाए१२ साहिओ सयलवुत्तन्तो माहवीयाए।
तओ राइणा गहिओ दारओ । चिन्तियं च णेणं । न एस एयाण हत्थो पुणो भविस्सइ तिं । समप्पिओ अन्नधावीणं । सावियाओ ताओ । जइ कहवि दारयस्स पमाओ भविस्सइ,
ता विणटा मम हत्थाओ तुब्भे । निब्भच्छिया देवी मइसा२० यरो य । कारावियं च देवीमन्तिचित्ताणुरोहिणा ईसि पच्छ
अभूयं तहाविहं वद्धावणयं । एवं च अइक्वन्तो कोइ कालो। पइटावियं नामं दारयस्स आणन्दो त्ति । वढिओ एसो,
४१०. समाश्वस्ता । ४११. अमात्येन । ४१२. स्त्रीस्वभावकातरतया ।
