________________
[समराइश्वकहाए।
मणुभुञ्जिऊण चुओ समाणो इहेव जम्बुद्दीवे दीवे एत्थ चेव विजए चम्पावासे नयरे माणिभद्दस्स सेट्ठिस्स हारिणीए भारियाए कुच्छिसि पुत्तत्ताए उववन्नो, जाओ य उचियसमएणं । पइट्टावियं मे नामं पुण्णभद्दो त्ति । पढमं च किल मए घोसमुच्चारयन्तेण · अमर' त्ति संलत्तं । अओ दुइयं पि मे नाम अमरगुत्तो त्ति । सावयगिहुपप्पत्तीए य आ बालभावओ चेव पवन्नो मए जिणदेसिओ धम्मो । एत्यन्तरंमि य इयरो वि तओ नरगाओ उव्वट्टिऊण६४ सयंभुरमणे समुद्दे महामच्छो
भविय अच्चन्तपावदिट्ठो मओ समाणो तीए चेव धूमप्पभाए १. दुवालससागरोवमाउ चेव नारगो होऊण उव्वट्टो समाणो
नाणातिरिएसु आहिण्डिय तंमि चेव नयरे नन्दावत्तस्स सेटिस्स सिरिनन्दाए भारियाए कुच्छिसि धूयत्ताए उववन्नो, जाया य उचियसमएणं । पइट्ठावियं च से नामं नन्दयन्ति त्ति । पत्ता
य जोव्वणं विइण्णा य मज्झं । निव्वत्तियं पाणिग्गहणं । १५ समुप्पन्नो य मे तं पइ सिणेहो, तीए वि य तहेव । एवं च विसयसुहमणुहवन्ताणं गओ कोइ कालो । पुवकयकम्मदोसेण य से ममोवरि वञ्चणापरिणामो नावेइ, जेण समप्पियसव्वघरसारा वि मायाए ववहरइ । साहियं च मे परियणेणं, न
उण पत्तियामि त्ति । अन्नया य साहियं मे तीए । जहा। २० पणटुं सव्वसारं कुण्डलजुयलं । तं पुण सयं चेव अवहरिऊण
समाउलीभूया६७ । भाणया य तओ मए । सुन्दरि थेवमेयं ति,
३६४. उद् कृत्य । ३६५. प्रत्येमि प्रत्ययं विश्वास करोमीत्यर्थः । ३६६. कथितं । ३६७. समाकुलीभूता ।
