________________
[समराइचकहाए
माणो देवस्स, ता इमं चेव संपाडेउ देवो । राइणा भणिय । अलङ्कणीयवयणो तुम सि; तुमं चेव जाणासि । तओ मए ' देवपसाओ' त्ति भणिऊण निवडिओ चलणेसु । मोयाविओ जन्मदेवो, पेसिओ य अहं राइणा निययभवणं । तओ सम्माणिऊण महया विभूईए गओ सभवणं ति । जाओ य लोयवाओ, अहो जन्नदेवस्स जहन्नत्त५ । समुप्पनो य मे निव्वेओ। पेच्छ, ईइसाणं पि मित्ताणं ईइसो परिणामो त्ति । अहो असारया संसारस्स, विचित्तया कम्मपरिणईए, दुल्लक्खाणि पाणिचित्ताणि । ता न याणामो किमेत्थ जुत्तं ति ॥
एत्यन्तरांम य समागओ तत्थ सुगिहियनामो अग्गिभूई नाम गणहरो । ठिओ य नयरुज्जाणे । दिट्ठो मए बाहिरियागएणं । जाओ य मे तं पइ बहुमाणो, पणमिओ य सो मए, धम्भलाभिओ य तेणं, उवविठ्ठो ' तस्स पायमूले । पुच्छिओ
भयवे सव्वदुक्खविउडणसमत्थं धम्मं । साहिओ भगवया खमा१५ इगो साहुधम्मो । तं च सुणमाणस्स समुप्पन्ना देसविरइप
रिणई, पवड्डमाणसंवेगस्स जाओ भवविरागो । चिन्तियं च मए । अलं संसारपडणामेत्तफलेणं इमिणा परिकिलेसेणं, पवज्जामो पवजं ति ।
एत्थन्तरंमि य गलिओ कम्मसंघाओ पयलिया बन्धणट्टिई, विहावियं अत्तविरिएणं, समुप्पना सव्वविरइपरिणइ त्ति । २. कहावसाणे य विज्ञत्तो मए भयवं गुरू । अणुग्गिहीओ अहं
भयवया, विरत्तं च मे चित्तं भवपवचाओ, ता आइसउ भयवं ३१५. जघन्यत्वं नीचतां ।
