________________
बीओ भवो।
७७
पुच्छामि एयं किं पुण इमस्स मणोहवललियसमयवत्तिणो२७० निव्वयकारणं जहटियं च दुक्खसंकुलं च संसारं ति । तओ दूराओ चेव ओयरिऊण जच्चवोल्लाहकिसोराओ२७१ गओ तस्स समीवं । पणमिओ य धम्मघोसो । अहिणन्दिओ य भगवया धम्मलाहेण । तओ वन्दिऊण सेससाहुणो भत्तिनिब्भरमुवक्टिो ५ सहावसुन्दरे गुरुणो पायमूले । निव्वडियसंवेगसारं पुच्छिओ य णेण भयवं धम्मघाँसो । भयवं, किं ते सयलगुणसंपयाकुलहरस्स वि ईइसो निव्वेओ, जेण इमं अयाले चेव समणत्तणं पडिवन्नो सि । तओ भयवया भणियं । भो महासावय, नत्थि इदाणिमगालो सामण्णस्स । किं न पहवइ अयाले निजिय- १० सुरासुरो सयलमणोरहसेलवज्जासणी२७२ पियजणविओएक्कपरमहेऊ विबुहजणसंवेगवडणो मच्चु ति । अन्नं च । महासावय, सोहणभावाओ चरमकाले वि जइ सेविज्जइ धम्मो, सो चिय पढमं किमजुत्तो । राइणा भणियं । भयवं, नो अजुत्तो, किं तु नानिमित्तो निव्वेओ त्ति निव्वेयकारणं पुच्छामि । भयवया भणियं । संसारो चेव निव्वेयकारणं, तहवि पुणो विसेसओ ओहिनाणिनियचरियकहणं२७३ ति । राइणा भणियं । भयवं, केरिसं ओहिनाणिनियचरियकहणं । भयवया भणियं । सुण
अस्थि इहेव विजए रायउरं नाम नयरं । तन्निवासी अहं भवसरूवओ चेव तन्धिरत्तमणो चिट्ठामि जाव, आगओ अणेय
२७०. मनोभवललितसमयवर्तिनः । २७१. जात्यवोल्लाहकिशोरतः । : वोल्लाह ' इति देशविशेष उत्पन्नादश्वात् । २७२. सकलमनोरथशैलवज्राशनिः । २७३. अवधिज्ञानिनिजचरित्रकथनम् ।
