________________
[समराइश्चकहाए।
गेण । अहो से चित्तकोसल्लं । अह किं पुण दंसणाओ चैव मुणिज्जमाणा वि अवस्था इमेण पुणरुत्तोवनासमेत्तेण दुवईखण्डेण सूइया । मयणलेहाए भणियं । महारायउत्त, न एसा
सामिणीए सूइया, किं तु एयमालिहियं पेच्छिऊण मए कयं ५ इमं दुवईखण्डं ति । कुमारेण भणियं । जुज्जइ पढमलिहियं
दहण सहियाणं अवस्थाणुवायकरणं ति । माग्गिया गेण पत्तछेज्जकत्तरी । कप्पिओ य नागवल्लीदले रायहसियावत्थाणुरूवो वररायहंसओ, फुडक्खरा य एसा हिययसंवायणनिमित्तं गाह
त्ति२३६ । जहा १० मरिऊण न संपत्ती पियाए कलिऊण एस वरहंसो । धारेइ कहवि पाणे अणुकूलनिमित्तजोएण ॥ १२८ ॥ .
तओ नियसिरोहराओ ओसारिऊण दिन्ना इमीए तिसमुद्दसारभूया पारिओसियं मुत्तावली, समप्पियं च नागवल्लीदलं । ईसि विहसिऊण भणिया य एसा । वत्तव्वा तुमए कुसुमावली । जहा | आथि अम्हाणं दढं चित्ताणुराओ, मुणियं तुमए इम, विनायं च अम्हेहिं पि ते चित्तकोसल्लं; ता पुणो पुणो एवं
चेव चित्ताणुराइणो जणस्स नियचित्तकोसल्लाइसएणं आणन्दं करिज्जासि ति । तओ · जं महारायउत्तो आणवेइ' त्ति भणिऊण पणामपुव्वयं निग्गया मयणलेहा, पत्ता य कुसुमावलीसमीबं । आइक्खिओ तीए जहावत्तो वुत्तन्तो, समप्पियं नागवल्लीदलं । दिट्ठो य कुसुमावलीए वरहंसओ, वाइया य गाहा, परितुट्ठा हियएणं ॥
२३६. प्रार्थिताऽनेन पत्रछेदयोग्या कर्तनी। कल्पितश्च नागवल्लीदले राजहंसिकावस्थानुरूपः वरराजहंसकः, स्फुटाक्षरा च हृदयसंपादननिमित्ता गाथा ।
