________________
[समराइचकहाए
णिवयणा रसन्तमणिनेउरा पत्ता कुसुमावलीसमीवं सहरिसा मयणलेहा । दिट्ठा य तीए वरसयणीयमज्झगया गुरुचिन्ताभरनीसह अङ्गं वहन्ती कुसुमावलि त्ति । तओ अणालवणमुणियसुन्नभावाए२१८ विन्नत्ता मयणलेहाए । सामिणि, किमेवमुविग्गा विय लक्खीयसि, किन्न संपन्ना ते गुरुदेवयाणं पूया, किन्न सम्माणियाओ सहीओ, किन्न कया अत्थिजणपडिवत्ती, किन्न गहिओ कलाकलावो, किन्न परितुटो ते गुरुयणो, किन विणीओ ते परिवारो, किनाणुरत्तो सहीसत्यो, किन्न संजायइ ते
समीहियं ति । आणवेउ सामिणी, जइ अकहणीयं न होइ । १. तओ कुसुमावलीए ससंभमं सहत्येण अलए संजमेऊण भणियं ।
अस्थि पियसहीए वि नाम अकहणीयं । ता सुण । कुसुमावचयपरिस्समेण मे जरकला२१९ विय संवुत्ता । तज्जणिओ य परिपीडेइ मं परियावाणलो । तन्निमित्ता य वियम्भइ अङ्गेसु
अरई । न उण किंचि अन्नं उव्वेयकारणं लक्खेमि त्ति । मय१५ णलेहाए भणियं । जइ एवं, ता गेण्ह ताव कप्पूरवीडगाणि,
परिवीएमि ते कीलाखेयनीसहं अङ्गं । कुसुमावलिए भणियं । किं मे एयावत्थगयाए कप्पूरवीडएहिं, अलं च परिवीइएण । एहि गच्छामो बालकयलीहरयं । तत्थ सज्जीकरेहि मे
अत्थुरणं,२२० जेण तहिं गयाए अवेइ एसो परियावाणलो त्ति । २० तओ मयणलेहाए भणियं । जं सामिणी आणवेइ । गयाओ
व सभवणुज्जाणतिलयभूयं बालकयलीहरयं । सजीकयं च से मयणलेहाए सुन्दरमस्थुरणं । निवन्ना य तत्थ · कुसुमावली ।
२१८. अनापलपनाज्ञातशून्यभावया । ' मुणिय' बातः । २१९. ज्वरकला ज्वरांशः । २२. आस्तरणं शयनं ।
