________________
विवागसुयंसि
... तए णं सा सिरी देवी अन्नया कयाइ मज्जाइया विरहियसयणिज्जंसि सुहपसुत्ता जाया यावि होत्था । इमं च णं देवदत्ता देवी जेणेव सिरी देवी तेणेव उवागच्छह । २
मज्जाइयं विरहियसयणिज्जंसि सुहपसुत्तं पासइ, २ दिसालोयं 5 करेइ, २ जेणेव भत्तधरे तेणेव उवागच्छइ, २ लोहदण्डं
परामुसइ, २ लोहदण्डं तावेइ, २ तत्तं समजोइभूयं फुल्लकिसुयसमाणं संडासएणं गहाय जेणेव सिरी देवी तेणेव उवा. गच्छइ, २ सिरीए देवीए अवाणंसि पक्विवइ । तए णं सा
सिरी देवी महया महया सद्देणं आरसित्ता कालधम्मुणा 10 संजुत्ता ॥ .. तर णं तीसे सिरीए देवीए दासचेडीओ आरसियसद्दे सोच्चा निसम्म जेणेव सिरी देवी तेणेव उवागच्छन्ति । २ देवदत्तं देवि तओ अवक्कममाणि पासन्ति । २ जेणेव सिरी
देवी तेणेव उवागच्छन्ति । २ सिरिं देवं निप्पाणं निच्चेटुं 15 जीवियविप्पजढं पासन्ति । २ हा हा अहो अकज्जमिति कट्ट
रोयमाणीओ कन्दमाणीओ विलवमाणीओ जेणेव पूसनन्दी राया तेणेव उवागच्छन्ति । २ पूसनन्दि रायं एवं बयासी, "एवं खलु, सामी, सिरी देवी देवदत्ताए देवीए अकाले
चेव जीवियाओ ववरोविया ।" तए णं से पूसनन्दी राया 20 तासिं दासचेडीणं अन्तिए एयमझु सोच्चा निसम्म महया
माइसोएणं अप्फुन्ने समाणे परसुनियत्ते विव चम्पगवरपायवे धस त्ति धरणीयलंसि सव्वङ्गेहिं संनिवडिए ॥
- तए णं से पूसनन्दो राया मुहुत्तन्तरेण आसत्थे वीसत्थे
समाणे बहूहिं राईसर [जाव] सत्थवाहेहिं मित्त [जाव]° 125 परियणेण सद्धिं रोयमाणे [३] सिरीए देवीए महया इड्डीए
