________________
६४
विवागसुयसि तए णं से सीहसेणे राया इमीसे कहाए लद्धढे समाणे जेणेव कोवघरए, जेणेव सामा देवी, तेणेव उवागच्छइ । २ सामं देवि ओहय° [जाव] पासइ, २ एवं वयासी, “किं देवाणुप्पिए, ओहय [जाव] झियासि!" ॥ तए णं सा सामा 5 देवी सीहसेणेणं रन्ना एवं वुत्ता समाणी उप्फेणउप्फेणियं सीहसेणं रायं एवं वयासी, “एवं खलु, सामी, मम एगूणपश्चसवत्तीसयाणं एगणपञ्चमाइसयाणं इमीसे कहाए लद्धट्ठाणं समाणाणं [0] अन्नमन्ने सद्दावेन्ति, २ एवं वयासी,
'एवं खलु सीहसेणे राया सामाए देवीए उवरि मुच्छिए 10 अम्हं धूयाओ नो आढाइ [0]' [जाव] अन्तराणि य छिहाणि
पडिजागरमाणोओ विहरन्ति । तं न नज्जइ ०] । भीया [जाव] झियामि" ॥
तए णं से सीहसेणे सामं देवि एवं वयासी, “मा णं तुमं, देवाणुप्पिए, ओहय° [जाव] झियाहि । अहं णं तहा 15 जत्तिहामि जहा णं तव नत्थि कत्तो वि सरीरस्स आवाहे
पवाहे वा भविस्सइ” त्ति कटु ताहिं इट्टाहिं [६] समासासेइ, २ तओ पडिनिक्खमइ, २ कोडुम्बियपुरिसे सद्दावेइ, २ एवं वयासी, “गच्छह णं तुब्भे, देवाणुप्पिया, सुपइहस्स
नयरस्स बहिया एगं महं कूडागारसालं करेह अणेगक्खम्भ20 सयसंनिविढे पासादीयं [४], ममं एयमाणत्तियं पञ्चप्पिणह"।
तए णं ते कोडुम्बियपुरिसा करयल° [जाव] पडिसुणेन्ति, २ सुपइट्ठनयरस्स बहिया पञ्चत्थिमे दिसीविभाए एगं महं कूडागारसालं [जाव] करेन्ति अणेगक्खम्भ[0] पासादीयं [४]
जेणेव सीहसेणे राया तेणेव उवागच्छन्ति, २ तमाणत्तिय 25 पञ्चप्पिणन्ति ॥
