________________
देवदत्ता
कयाइ पंच पासायवडिंसयसयाई करेन्ति अब्भुग्गय [0] । तए णं तस्स सीहसेणस्स कुमारस्स अम्मापियरो अन्नया कयाइ सामापामोक्खाण पश्चण्हं रायवरकन्नगसयाणं एगदिवसे पाणिं गिहाविसु । पञ्चसयओ दाओ । तए णं से सीहसेणे कुमारे सामापामोक्खाहिं पञ्चसयाहिं देवीहिं सद्धिं उप्पि 5 [जाव] विहरइ ॥
तए णं से महासेणे राया अन्नया कयाइ कालधम्मुणा संजुत्ते । नीहरणं । [0] राया जाए महया° [0]॥
तए णं से सीहसेणे राया सामाए देवीए मुच्छिए [४] अवसेसाओ देवीओ नो आढाइ नो परिजाणाह, अणाढायमाणे 10 अपरिजाणमाणे विहरइ । तए णं तासिं एगूणगाणं पञ्चण्ह देवीसयाणं एगूणाई पञ्चमाईसयाइं इभीसे कहाए लद्धट्ठाई समाणाई, "एवं खलु, सामी, सीहसेणे राया सामाए देवीए मुच्छिए [४] अम्हं धूयाओ नो आढाइ, नो परिजाणाइ, आणाढायमाणे अपरिजाणमाणे विहरइ । तं सेयं खलु अम्हं 15 सामं देवि अग्गिपओगेण वा विसप्पओगेण वा सत्थप्पओगेण वा जीवियाओ ववरोवित्तए । " एवं संपेहेन्ति । २ सामाए देवीए अन्तराणि य छिदाणि य विवराणि य पडिजागरमाणीओ विहरन्ति ॥
तए णं सा सामा देवी इमीसे कहाए लद्धट्ठा समाणी 20 एवं वयासो, “एवं खलु सामो, पञ्चण्हं सवत्तीसयाणं पश्च माइसयाइं इमीसे कहाए लट्ठाई समाणाइं अन्नमन्नं एवं वयासी, 'एवं खलु सीहसेणे [0] ' [जाव] पडिजागरमाणीओ विहरन्ति । तं न नज्जइ णं मम केणइ कुमरणेणं मारिस्सह" त्ति कट्ट भीया [जाव] जेणेव कोवघरे तेणेव उवागच्छइ । २ 25 ओहय° [जाव] झियाइ ॥
