________________
प्रशस्तिः । पुनर्यै राजनगरे प्रतिष्ठाद्वयमद्वयम् ।, •विदधे व्ययितं. तत्र श्राद्ध रूप्यायुतं तथा ॥१२॥ नटीपद्रे चटद्रङ्गे प्रतिष्ठैका प्रतिष्ठिता । श्रीबृहन्नगरे वीरमतिष्ठा विश्वविश्रुता ॥ १३ ॥ इयराख्यनगरे स्वावतारेण सुन्दरे । प्रतिष्ठात्रितयं चक्रे येन मूरिषु चक्रिणा ॥ १४ ॥ जीर्णे श्रीमयुगादीशे यवनैर्व्यङ्गिते सति । तत्पदे स्थापितो गेन नूतनः प्रथमप्रभुः ॥१५॥ तथा यैः सावलीस्थाने प्रतिष्ठाद्वितयं कृतम् । पुनरारासणस्थाने स्थापिता मूलनायकाः ।। १६ ॥ येन जार पुर्या च काञ्चनाऽचलमौलिगे। - . विहारे स्थापितो वीरो वीरहीरानुकारिणा ॥ १७ ॥ प्रतिष्ठाद्वैतमद्वैतं श्रीमन्मालवमण्डले। .. उज्जयिन्यां महापुर्या पुरे रामपुरेऽपि च ॥ १८ ॥ दक्षिणस्यां च कनडीबीजापुरपुरे तथा । प्रतीच्यां च कच्छदेशे प्रतिष्ठा येन निर्ममे ॥ १९ ॥ प्रतिष्ठे द्वे चोत्तरादिङमण्डने मेडतापुरे।। इत्याद्यनेकस्थानेषु प्रतिष्ठा यैर्विनिर्मिताः ॥२०॥ श्रीमण्डपे मण्डपाद्रौ दृष्टा यद्रूपमद्भुतम् । श्रीअकब्बरभूशक्रसूनुः शाहिः सलेमराट् ॥ २१॥ तपागच्छश्रावकेन्द्रचन्द्रपालादिसाक्षिकम् । • महातपाजिहागीरीविरुदं दत्तवान् मुदा ॥ २२ ॥
(युग्मम्.)
विक्रमार्कमहीभर्तुर्विधुसिद्धिकलामिते । वर्षे हर्षेण सर्वर्षिसुरर्षभसमश्रिया ॥ २३ ॥ येन श्रीमदिलादुर्गे षष्ठ्या मासि च माधवे । पवित्रे पुण्यनक्षत्रे दिने कुमुदिनीपतेः ॥ २४ ॥
