________________
एकविंशः सर्गः। ६७९ धन्यम्मन्यैः आत्मानं कृतार्थ मन्यमानैः, पुनः, राजमान्यैः अमात्यादिभिः, पुनः, वदान्यैर्दानशीलैः, आस्तिकोत्तमैः श्राद्धमुख्यैः, अमरैस्तीर्थनाथस्तीर्थङ्कर इव, श्रीतपानाथः मूरिः, पूजितः स्वर्णरूप्यनाणककुसुमाभरणादिभिरिति शेषः ॥१४॥ पपौ पीयूषगण्डूषदेशीयां गुरुदेशनाम् । द्वीपवास्यखिलो लोकश्चकोर इव चन्द्रिकाम् ॥१५॥
गुरुदेशनां गुरोर्व्याख्यां, कि०, पीयूपगण्डूपदेशीयां सुधाचुलुकतुल्यां, चन्द्रिकां ज्योत्स्नां, चकोर इव, द्वीपवासी लोकः पपौ पिवति स्माऽत्यादरेण श्रवणगोचरीकुरुते स्मेति भावः॥१५॥ ऐश्वर्यगर्जितव्याप्तरोदसीकन्दरोदरम् । गुरुमेधं समुद्दीक्ष्य सङ्घकेकी जहर्ष सः ॥ १६ ॥
ऐश्वर्य प्रभुत्वं तदेव गर्जितं गर्जारवस्तेन व्याप्तं रोदसीकन्दरोदरं द्यावाभूमीगुहाविवरं येन तं, गुरुमेधं सूरीश्वरजलधरं, समुद्रीक्ष्य दृष्ट्वा, स सकेकी जहर्ष हर्पितोऽभूत् ॥ १६॥ रत्नैरेव गुरोस्तत्र वध्वो वर्धापनं व्यधुः । रत्नाकरोऽभ्यर्णवर्ती यत्र किं तत्र चित्रकृत् ?॥ १७॥
तत्र वन्दिरे गुरोः, वध्वः स्त्रियः, रत्नरेव वर्धापनं व्यधुरित्यन्वयः, यत्र रत्नाकरः समुद्रः, अभ्यर्णवर्ती समीपस्थ: स्यात् , तत्र किं चित्रकृत् किमाश्चर्यकारि ?, इति ॥ १७॥
धर्मगोष्ठीक्षणे चाथ फरङ्गीप्रभुपर्षदि । ___ सार्वज्ञ शासनं सूरिः सत्यं स्थापयति स्म सः॥१८॥ . अथैकदा फरङ्गीप्रभुपर्षदि तद्गहेषु तदीयसभायां, धर्मगोष्ठीक्षणे क्रियमाणे सति, सूरिः सार्वज्ञ शासनं जैनं मतं, सत्यं स्थापयति स्म, नान्यत् किमपि सत्यमिति ॥ १८ ॥
