________________
६३० विजयप्रशस्त्याम् ।
इतीति निखिलं निगदसिद्धम् । इति सकलसुविहितसभासार्वभौमसमानपण्डितमण्डलीमौलिमालीयमानपण्डितश्रीकमलविजयगणिसुशिष्यमुख्यपण्डितपुरन्दरप्रख्यपण्डितश्रीविद्याविजयगणिविनेयवाचकश्रीगुणविजयगणिविरचितायां श्रीविजयपदीपिकाभिधानधारिकायां सुखावबोधिकायां श्रीविजयप्रशस्तिमहाकाव्यटीकायामष्टादशः सर्गोऽर्थतः
समर्थितः ॥
अहम् अथ एकोनविंशः सर्गः। अथ एकोनविंशः सर्गः प्रारभ्यते
अथान्यदा श्रीगुरुवाप्रबुद्धैः __ श्रद्धालुभिर्बन्धुरबुद्धिबोधैः । अभ्यर्थिताः श्रीगुरवः प्रकामं
ते कर्तुकामा अभवन् प्रतिष्ठाम् ॥१॥ अन्यदा तत्रैव राजधन्यपुरे, श्रद्धालुभिः श्रावकैः, किं०, श्रीगुरूणां वाग् वाणी तया प्रबुद्धैः प्रतिबुद्धैः, पुनः किं०, बन्धुरो बुद्धिबोधो मतिज्ञानं येषां तैः, श्रीगुरवः श्रीविजयसेनसूरिपादा अभ्यर्थिताः सन्तः प्रतिष्ठां नवीनजिनचैत्यस्थापनां कर्तुकामाः, अभवन् बभूवुरिति ॥ १॥
अथ षड्भिस्तां वर्णयतिक्षीरार्णवोत्तुङ्गतरङ्गरङ्ग
