________________
५५०
विजयप्रशस्त्याम् ।
मणिरिव तं पुनः प्रीत्या प्रहस्तदासक्तः सुपर्वपुङ्गवं इन्द्रस्तन्मनएवाम्भोधिस्तत्र त्रियामामणि चन्द्रं, पुनः, अञ्जनघनश्यामाः कज्जलजलदफ लिन्यस्तद्वत् अभिरामं, कान्त्येति शेषः ॥ ९ ॥ कासश्वासभगन्दरज्वरकफ श्लेष्मक्षयाद्या गदा दुस्साध्या भिषजां भरैर्बहुतरैरप्यौषधैः सद्विधैः । यन्नामस्मरणात् प्रयान्ति निधनं सिंहादिवाशु द्विपाः पार्श्वः पुण्यपयोजिनीदिनमणिश्चिन्तामणिः पातु वः ॥ १०॥
यस्य नामस्मरणात् कासश्वासभगन्दरज्वरकफलेष्मक्षयाद्या गदा रोगाः, भिषजां भरैवैद्यानां गणैः सद्विधैर्वहुतरैरप्यौपधैर्दुस्साध्याः, तेऽपि निधनं प्रणाशं, प्रयान्तिः यथा सिंहाद् द्विपा गजाः, नश्यन्ति, स पार्श्वचिन्तामणिरितिनामा, किं०, पुण्यमेव पयोजिनी तत्र दिनमणिः सूर्यः, वो युष्मान् पातु पायादिति ॥ १० ॥ कल्पान्तानिलचक्रवालबहलव्यालोलकल्लोलभृपानीयेन नभोलिहं भयगृहं गाढोजितैगजितैः । यन्नामस्मरणाद् व्रजन्ति मनुजा उल्लङ्घय वारांनिथिं पार्श्वः पुण्यपयोजिनीदिनमणिश्चिन्तामणिः पातु वः॥ ११ ॥
यन्नामस्मरणाद् मनुजा वारांनिधिं उल्लङ्घन्य व्रजन्ति, स्वस्थानं क्षेमेणेति गम्यं, वारांनिधिं किं०, कल्पान्तस्य योऽनिलचक्रवालो वायुविस्तारस्तेन बहलं व्यालोला अतिचपला ये कल्लोलास्तान् विभर्तीति कल्पान्तानिलचक्रवालबहलव्यालोलकल्लोलभृद् यस्पानीयं तेन, नभोलिहं व्योमस्पृशं अत एव गाढोजितैर्गर्जितैर्भयगृहं, शेषं प्राग्वत् सुबोधम् ॥ ११ ॥ ज्वालोल्काज्वलिताखिलडुमदलप्रोद्भूतधूमोद्धतध्वान्तान्धीकृतवन्यजन्युनयनः प्रत्यम्बरं प्रोच्छलन् ।
