________________
123 एवमभिगम्म जीवं अण्णेहिं वि पज्जएहिं बहगेहिं । अभिगच्छद् अज्जीवं णाणंतरिदेहिं लिंगेहिं । ।
124. आगासकालपुग्गलधम्माधम्मेसु णत्थि जीवगुणा । तेसिं अचेदणत्तं भणिदं जीवस्स चेदणदा ||
125. सुहदुक्खजाणणा वा हिदपरियम्मं च अहिदभीरुत्तं । जस्स ण विज्जदि णिच्वं तं समणा बेंति अज्जीवं ।।
126. संठाणा संघादा वण्णरसप्फासगंधसहा य पोग्गलदव्वप्पभवा होंति गुणा पज्जया य बहू ।।
127. अरसमरूवमगंधमव्वत्तं चेदणागुणमसद्दं । जाण अलिंगग्गहणं जीवमणिद्दिट्ठसंठाणं ।।
128. जो खलु संसारत्थो जीवो तत्तो दु होदि परिणामो । परिणामादो कम्मं कम्मादो होदि गदिसु गदी ।।
129. गदिमधिगदस्स देहो देहादो इंदियाणि जायंते । तेहिं दु विसयग्गहणं तत्तो रागो व दोसो वा ।।
130. जायदि
जीवस्सेवं भावो संसारचक्वालम्मि | . इदि जिणवरेहिं भणिदो अनादिणिधणो सणिधणो वा ।।
131. मोहो रागो दोसो चित्तपसादो य जस्स भावम्मि । विज्जदि तस्स सुहो वा असुहो वा होदि परिणामो । ।
•
पंचास्तिकाय (खण्ड - 2) नवपदार्थ - अधिकार
(59)
